影片
更多
2013-03-02
34 浏览
是夜老友食家受到餐厅方面邀请前往试食, 我有幸同另一食友跟埋一齐去, 一尝意式风情夜宴, 在此多谢老友食家的邀请~餐厅位于唐楼内, 就系Q-PETS楼上, 白色窗框果一间... 我地系Times Square等埋一齐出发, 转来转去, 先发现其实餐厅系Hysan Place斜角, 大家系Hysan Place出发会方便d, 抬头一望就会见到...哗!!! 呢种Lift... 咪要自己手动打开度门, 再手动打开趟闸果种?!! 好多年冇见过啦㖞!!! 哈哈... 我地好奇地谂, 如果部Lift未到时, 打开咗度门咪会跌落去, 好奇心驱使其中一人伸手去打开度门睇睇, 哦... 部Lift未到时度木门原来系打唔开嘅, 咁都安心d... 同埋原来入面已经转咗电动门, 唔再系手动趟闸...餐厅有d似私房菜的形式, 从大厦外睇唔到餐厅招牌, 大堂信箱亦冇贴招牌(其他信箱贴满晒Logo, 包括阿猫地摊), 上到楼, 终于见到门外贴咗张印有餐厅名的A4纸, 唔知收工时系咪会撇走... 隔离单位门外好多风水o野, 仲用单车链锁住铁闸, 唔知捞边行, 都几特色...进入餐厅后, 果真有「柳暗花明又一村」之感
餐厅位于唐楼内, 就系Q-PETS楼上, 白色窗框果一间... 我地系Times Square等埋一齐出发, 转来转去, 先发现其实餐厅系Hysan Place斜角, 大家系Hysan Place出发会方便d, 抬头一望就会见到...
哗!!! 呢种Lift... 咪要自己手动打开度门, 再手动打开趟闸果种?!! 好多年冇见过啦㖞!!! 哈哈... 我地好奇地谂, 如果部Lift未到时, 打开咗度门咪会跌落去, 好奇心驱使其中一人伸手去打开度门睇睇, 哦... 部Lift未到时度木门原来系打唔开嘅, 咁都安心d... 同埋原来入面已经转咗电动门, 唔再系手动趟闸...
餐厅有d似私房菜的形式, 从大厦外睇唔到餐厅招牌, 大堂信箱亦冇贴招牌(其他信箱贴满晒Logo, 包括阿猫地摊), 上到楼, 终于见到门外贴咗张印有餐厅名的A4纸, 唔知收工时系咪会撇走... 隔离单位门外好多风水o野, 仲用单车链锁住铁闸, 唔知捞边行, 都几特色...
进入餐厅后, 果真有「柳暗花明又一村」之感... 古时的诗人真伟大... 穿过长长的走廊, 首先见到嘅系Oyster Bar, 然后就到用餐区... 餐厅以黑白色调为主, 水晶吊灯及布艺窗帘有d宫廷Feel, 简约中不失贵气... 灯光比较昏暗, 加上柔和音乐, 私隐度高, 非常适合情侣用餐...店内的Menu每月更改, 甫坐下, 店主已为我地敲定是夜晚餐的组合, 并详细解说...
Bread with Homemade Sauce
面包配自制特式酱
-- 先来1客餐前面包, 口感有d似法包, 脆脆地... 大厨话面包从上环的面包店订购, 由于商业秘密, 不便透露店名... 自制特式酱有2款... 1款系油醋, 即系橄榄油+陈醋, 呢1款我家都有自制... 另1款系蓝莓梨酱, 味道酸中带甜, 好重梨味, 非常清新, 有d似新鲜果Jam但糖份比较少稠度亦较低, 有惊喜...
店主推介来自法国的2款生蚝, Ancelin及有蚝后之称的Gillardeau... Ancelin蚝香味十足, 富海洋风味, 既有甜味又有海盐味, Aftertaste会有西瓜味, 好神奇... Gillardeau肥美鲜甜, 海水味浓烈, Aftertaste长达5分钟以上... 店主建议先吃Ancelin, 然后再吃Gillardeau... 本人不吃生蚝, 只有看的份儿...
Kobe Beef Tartare M6澳洲和牛他他
-- 我唔食生牛肉, 只可以听住2位食友不停赞好食... 店主解释加入了洋葱的和牛, 吃起来会较腻, 加点Cracker同吃可消除腻滞感...
Cool Smoke French Duck Breast, Blood Orange 冻烟法国鸭胸, 血橙蓉
-- 西班牙血橙之所以叫血橙, 系因为橙肉的颜色红当当, 何解血橙蓉的颜色会咁橙?!! Anyway, 橙蓉味道同Texture都唔错, 酸甜带果香... 法国鸭胸切成立方体状, 很可爱, 铺上翠绿的菜叶, 整体色彩极为丰富... 鸭胸味道有点似金华火腿, 肉质柔韧带咸香, 一改我对鸭胸的印象...
Cream of Mushroom白菌忌廉汤
-- 我唔食菌, 只可以听住2位食友不停赞好饮... 将3种唔同Texture嘅白菌, 包括切碎、打烂、生的放埋一齐, 为白菌忌廉汤带来3重口感, 汤头非常稠密, 菌味爆灯...
Tomato Gazpacho with Grape, Berries西班牙蕃茄冷汤
-- 西班牙蕃茄忌廉汤加入洋葱辟腥, blend完隔渣, 不加调味, 只加新鲜提子及蓝莓吊味, 汤头清新, 蕃茄味道温和, 配上酸酸甜甜的果肉, 很特别, 最紧要系好健康, 堪称「无添加」... 汤的温度亦适中, 不会太冰冻, 消除了我对胃部添压的忧虑...
Scallop with Parma Ham香煎带子风干火腿
-- 巨型鱼生带子略煎至表面金黄, 外熟内生, 将鲜味浓缩至非常鲜甜, 入口柔嫩细致有弹性, 好好好味呀!!! 巴马火腿咸香油润, 与带子颇匹配... 谂起都流口水呀...
Foie Gras with Apricot Jam, Baguette香煎鹅肝配黄梅酱多士
-- 鹅肝是我的心头好, 一次吃4-5块都可以面不改容... 表面略煎至金黄的鹅肝, 味道甘香, 口感幼滑绵密, 配上以杏脯干、橙、蜜糖等煮成的酱汁, 味道讨好, 酸甜果香减低咗鹅肝的油腻感, 同吃份外滋味... 铺底的多士比较腍身, 唔知系咪因为我地影相影得太耐所致呢?!! 如果鹅肝表面可以煎得再脆一点更好, 纯粹个人偏好...
Sorbet of the day
水果雪葩
-- 吃主菜前, 先来1客蕃石榴雪葩清一清味蕾... 蕃石榴果香浓郁, 味道清甜, 有别于一般冰块较多的Sorbet, 呢个Sorbet偏Creamy了一点... 我个人来说, 非常喜欢...
Lobster with Ravioli, Carol Mussels焗龙虾生湖蚌伴意大利云吞
-- 意大利云吞体积小巧, 一口一件, 本身没甚味道, 蘸忌廉汁同吃味道刚好... 生湖蚌同龙虾及意大利云吞好似有点格格不入... 龙虾好新鲜, 肉质爽嫩有弹性... 将龙虾拑起肉咁贴心实在抵赞...
Confit de Canard法式油封鸭腿
-- 鸭腿先腌3日, 再以Slow Cook的煮法煮熟, 然后略煎至表皮香脆, 再配上以提子、梨、冰糖等煮成的酱汁, 卖相甚佳... 鸭腿带点鸭膻味, 我爱死, 但食友怕怕, 哈哈, 咁样算唔算「同鸭唔同味」, 同一只鸭腿, 唔同嘅人食, 会有唔同嘅感受... 但一致认为过咸... 鸭腿肉部分偏硬, 部分偏软, 鸭腿皮脆身, 口感丰富... 铺底的红菜头用盐、黑椒、醋等浸泡, 味道相对浓烈...
Sea Urchin Risotto海胆意大利饭
-- 意大利饭的表面加了海胆, 感觉上贵气了... 酱汁Creamy, 很美味, 可惜饭身非常之硬, 感觉上系8成生米, 大厨话系Tradition... 但我系欧洲食过的意大利饭有点不同, 人地系用20%半生米+80%全熟米, 既烟韧又软绵... 虽说是意大利的传统, 如此坚硬的饭身, 恐怕香港人未必接受到...
Dessert of the Day是日甜品
-- 3款不同味道的小可爱, 加上餐厅名字的Chocolate Signature, 简简单单, 不失优雅... 马卡龙的味道包括杂莓、咖啡、绿茶... 其他食友有柠檬、Cappuccino... 我个人最喜欢莓味, 酸酸的, 不太甜, 可消腻... 众食客一致认为馅料比坊间的多...
Special Flower Tea
特色花茶
-- 餐后送上特色花茶作总结, 绿茶加入原棵玫瑰花蕾及蜜糖, 清香的茶味中渗出淡淡花香, 蜜糖有滋润作用, 去除了绿茶的青涩, 增添了甜香... 看著载浮载沉的花蕾, 心情也跟著起伏, 为这顿晚餐添上一份浪漫...
总括而言, 店主的服务达到酒店级水平, 虽然慢, 但正常, 起码比起欧洲算快... 而且经常更换餐具, 亦会观察食客的进食速度来调节出菜的进度... 态度友善亲切, 予人舒适的感觉...
餐后与曾在酒店工作的大厨交流一下, 大厨看来很年轻, 他听后唔知会唔会开心到瞓唔著呢?!!
晚餐四道菜+面包+甜品+饮品, 作价$599, 已包括加一服务费, 但要注意的是, 只收现金!!!
.
张贴
