影片
更多
2020-10-04
224 浏览
估唔到第一次写食评，就要俾负评呢间餐厅。😓星期日下午，我哋一行3人大概四点到，当时餐厅唔系好多人。楼面有2位男职员，一个负责接待收银上菜，另一个负责酒吧同上菜，人手明显唔够。我哋被安排坐一张4人枱，但枱上只有2份餐具同水杯，眼见职员咁忙，我哋已经自己走去拎多只水杯。 Scan 咗门口个QR code ，决定好食乜就谂住落单，但我哋完全唔知点落单，因为我哋坐咗10分钟都冇人俾张QR code 落单纸我哋，其间啲职员只系好忙咁行嚟行去，直至我哋捕捉到佢企喺收银处果刻先问到佢拎张落单纸🤷🏻♀️我哋点咗- 2份avocado chicken burger- 1份egg benedict- 1 杯flat white隔咗几分钟，1份avocado chicken burger 同1份egg benedict 到咗。谂住等多阵会上埋其他菜，点知过咗10+分钟都未有，眼见迟过我哋入坐嘅客人都已经上哂菜，就谂住举手揾人跟跟，点知被无视😡唯有衬个职员经过问吓系唔系漏单，得到嘅回覆系「等等」，佢冇帮我check，亦冇问番我有乜需要，完全系唔想理！最后，我终于等到另一位女职员出现喺收银处，拿拿声走问佢，佢先
星期日下午，我哋一行3人大概四点到，当时餐厅唔系好多人。楼面有2位男职员，一个负责接待收银上菜，另一个负责酒吧同上菜，人手明显唔够。我哋被安排坐一张4人枱，但枱上只有2份餐具同水杯，眼见职员咁忙，我哋已经自己走去拎多只水杯。
Scan 咗门口个QR code ，决定好食乜就谂住落单，但我哋完全唔知点落单，因为我哋坐咗10分钟都冇人俾张QR code 落单纸我哋，其间啲职员只系好忙咁行嚟行去，直至我哋捕捉到佢企喺收银处果刻先问到佢拎张落单纸🤷🏻♀️
我哋点咗
- 2份avocado chicken burger
- 1份egg benedict
- 1 杯flat white
隔咗几分钟，1份avocado chicken burger 同1份egg benedict 到咗。谂住等多阵会上埋其他菜，点知过咗10+分钟都未有，眼见迟过我哋入坐嘅客人都已经上哂菜，就谂住举手揾人跟跟，点知被无视😡唯有衬个职员经过问吓系唔系漏单，得到嘅回覆系「等等」，佢冇帮我check，亦冇问番我有乜需要，完全系唔想理！
最后，我终于等到另一位女职员出现喺收银处，拿拿声走问佢，佢先开始帮我跟番杯flat white同漏咗果份burger，当时已经系4:35pm⋯⋯等咗10分钟，即系4:45pm，杯flat white同burger终于到😑
食物方面，个burger好大份，连埋薯条，份量十足，但个burger 嘅味道并冇佢嘅份量咁有惊喜，用嘅系鸡肉堡而非鸡排，比较dry，整体质素尚可。
总结，我由入位开始等咗45分钟先食到嘢，冇听过一句唔好意思，冇一个职员关心过我嘅需要，明明见到我举手都扮见唔到，我明白人手可能唔够，但果种爱理不理嘅态度俾人感觉好差！
牛油果鸡肉汉堡
$108
21 浏览
0 赞好
0 留言
张贴
