波仔

营业中

休息中

身为香港人都要多多支持本地品牌💪有时唔止系餐厅，连微波炉便当都好多选择，波仔真系由细食到大🫶见佢由便利店销售点慢慢发展到有自己既铺头，产品款式由中西日韩等等超过百款，食极都唔会有重覆🤤特别系黎到而家风季🌀买定一堆叮叮饭放系公司屋企看门口都好紧要，而且好多分店都系地铁站范围，非常方便经过就帮衬😍最近爱上佢地蒸饭同炖汤😋感觉上更加健康，香港人始终都系爱饮汤，呢款冬菇滑鸡蒸饭一打开就好香冬菇味，鸡肉滑嫩有肉汁，饭底几多肯定够饱，花生眉豆炖鸡脚汤真系住家靓汤感觉，十分足料，一边饮一边食汤料，非常有胶质😉平时午餐都有试过佢地既鸡沙爹XO酱炒饭同花椰菜饭，惹味得、健康更加得🤗有时仲可以买糖水返去同屋企人甜蜜一番，香港品牌我支持👌