影片
更多
2020-03-11
106 浏览
「愛像一陣風，吹完它就走。」正所謂人走，茶總會涼的，緣份係一種時間值，去到某個位如果無辦法走落去，證明呢杯茶係已經唔適合你飲。茶就話會涼姐，和牛唔會啦掛？今日我就殺入去大坑呢間隱世日式燒肉店「Niku Niku」。原來呢到既和牛主打平時好少見食到既部位，級數仲有返咁上下tim，一於搞到成間鋪㷫烚烚先得！👇📌特選焼肉3種盛り合わせ - $540👉人生路不熟，平時真係無乜幾可去燒肉店，當然睇到Menu都唔識嗌啦。唯有聽下Staff講解下，由佢詳細介紹就最好不過啦。我地最後試左呢個「特選和牛3部位燒肉拼盤」，分別係A5和牛級別既西冷薄切、和牛小排、牛柳中部。Staff好細心係隔離全程幫你燒，先試左個西冷先，紋理就夠哂靚仔，食落個口感好嫩滑，控制個時間岩岩好；而和牛小排相對肉香濃郁，味道比較重，Staff會推薦我地配搭返柚子汁做返個提升；而牛柳中部最有咬口，質感柔軟，輕輕點返少少燒烤汁或麵豉汁就已經好好味，整個和牛拼盤性價比相當高，值得一試！📌牛卜口丼 - $160👉和牛當然唔可以比佢停啦，我咁大食一定要整返個丼飯既。刺身丼黎講，我都係第一次試「和牛刺身丼」。我就對呢到出品既品質好有信心，佢地
去到某個位如果無辦法走落去，證明呢杯茶係已經唔適合你飲。茶就話會涼姐，
和牛唔會啦掛？今日我就殺入去大坑呢間隱世日式燒肉店「Niku Niku」。原來呢到既和牛
主打平時好少見食到既部位，級數仲有返咁上下tim，一於搞到成間鋪㷫烚烚先得！👇
📌特選焼肉3種盛り合わせ - $540
👉人生路不熟，平時真係無乜幾可去燒肉店，當然睇到Menu都唔識嗌啦。唯有聽下Staff講解下，
由佢詳細介紹就最好不過啦。我地最後試左呢個「特選和牛3部位燒肉拼盤」，分別係A5和牛級別既
西冷薄切、和牛小排、牛柳中部。Staff好細心係隔離全程幫你燒，先試左個西冷先，紋理就夠哂靚仔，
食落個口感好嫩滑，控制個時間岩岩好；而和牛小排相對肉香濃郁，味道比較重，
Staff會推薦我地配搭返柚子汁做返個提升；而牛柳中部最有咬口，質感柔軟，
輕輕點返少少燒烤汁或麵豉汁就已經好好味，整個和牛拼盤性價比相當高，值得一試！
📌牛卜口丼 - $160
👉和牛當然唔可以比佢停啦，我咁大食一定要整返個丼飯既。刺身丼黎講，
我都係第一次試「和牛刺身丼」。我就對呢到出品既品質好有信心，佢地新鮮既A5和牛入口即溶，
係表面撈埋隻蛋一齊食，質感更加滑溜，每一啖都係幸福既感覺！
📌テールラーメン - $150
👉不如黎多碗「牛尾拉麵」呀？以韓國既水冷麵做底，口感清爽煙韌，湯底用上熬煮左超過五個鐘既牛尾湯，
啖啖甘香。而牛尾經慢煮過質感變得爽口軟腍，有少少似牛腩既感覺，肉味好突出。整體我覺得呢間
隱世燒肉店絕對值得慕名而黎，有機會一定會再返黎。
张贴
