影片
更多
2022-07-01
1370 浏览
有个好耐无见嘅老友近来转咗岗位，星期一变咗例假，所以，趁机约佢出嚟食晏，而佢就番小弟就过到嚟中环。其实，中环食晏时间确实有好多人，故此，今次专登拣远少少，就晌「元创坊」对下嘅「善庆街」，有间主打慢煮美食嘅餐厅「享慢煮意」，虽然位置喺有少少僻，胜在静局啲。铺面以鲜黄为主调，非常醒目抢眼，而走进餐厅，装修简约，一室黑白黄为主调，黑色云石餐枱，配舒服嘅梳化椅，最钟意喺周围都摆设咗唔少植物作点缀，令环境睇起嚟舒服好多。此外，都好欣赏墙上一大幅以粉笔画成嘅食物彩绘，每种食材图案都画得栩栩如生，绝对喺画功了得。午市提供嘅套餐主要喺主菜配饮品模式，视乎所拣嘅主菜款式，定价为$88-$158，而前菜及甜品为需额外加钱嘅选择性选项，而饮品亦有升级优惠。龙虾汤流心牛角包 +$28老友睇过店家嘅食评，睇到差唔多枱枱客都会点，所以，佢都好想试一试。成品嚟到跟一般牛角包无咩分别，但一切开就真喺不得了，里面嘅龙虾汤真喺澎湃咁涌出嚟，老友就大赞个牛角酥好酥脆，甚富牛油香，而啲龙虾汤亦好有质素，浓香而充满虾鲜味，老友讲笑咁讲，变咗个酥皮龙虾汤。小弟就好奇做法喺点啫，点样做到外层仲喺酥脆，而唔会被啲汤浸湿而变腍！西班牙
铺面以鲜黄为主调，非常醒目抢眼，而走进餐厅，装修简约，一室黑白黄为主调，黑色云石餐枱，配舒服嘅梳化椅，最钟意喺周围都摆设咗唔少植物作点缀，令环境睇起嚟舒服好多。
此外，都好欣赏墙上一大幅以粉笔画成嘅食物彩绘，每种食材图案都画得栩栩如生，绝对喺画功了得。
午市提供嘅套餐主要喺主菜配饮品模式，视乎所拣嘅主菜款式，定价为$88-$158，而前菜及甜品为需额外加钱嘅选择性选项，而饮品亦有升级优惠。
龙虾汤流心牛角包 +$28老友睇过店家嘅食评，睇到差唔多枱枱客都会点，所以，佢都好想试一试。成品嚟到跟一般牛角包无咩分别，但一切开就真喺不得了，里面嘅龙虾汤真喺澎湃咁涌出嚟，老友就大赞个牛角酥好酥脆，甚富牛油香，而啲龙虾汤亦好有质素，浓香而充满虾鲜味，老友讲笑咁讲，变咗个酥皮龙虾汤。小弟就好奇做法喺点啫，点样做到外层仲喺酥脆，而唔会被啲汤浸湿而变腍！
西班牙黑毛猪腩配南瓜蓉及法式苹果酱 $128以猪腩做主菜咁大胆都比较少有，所以，即管试试质素会喺点。卖相就非常之立体，加上餐碟本身嘅图案，整体非常有艺术感，先试肥瘦相间嘅猪腩，虽然明显都睇到一层层肥膏，但咬落唔会一口油咁肥，沾上酸活嘅苹果酱，更加去除剩余嘅油腻感，而南瓜蓉好清甜绵滑，𠮶一片巴马火腿亦咸香好食，喺觉得得两件猪腩份量上少咗啲。
招牌龙虾汁蟹肉伊面 $138老友就喜欢海鲜多啲，所以，就点咗招牌嘅龙虾汁蟹肉伊面。外观已经觉得好吸引，除咗见到有唔少蟹肉，仲加咗好多蟹籽。伊面质感比较软身，但就好挂汁，老友话单喺伊面捞汁已经可以清晒去，再者，个汁底确喺好浓郁，加埋啲蟹肉又好鲜甜，蟹籽卜卜脆，真不愧为招牌菜。
真空慢煮法式焦糖炖蛋 +$28平时提到慢煮，主要都喺处理啲鱼类、肉类，连法式焦糖炖蛋都可以慢煮？其实小弟就唔喺好知个原理，但老友就赞啲炖蛋好滑溜，滑到一放入口就瀡咗落喉咙，此外，蛋香味浓郁，面层嘅焦糖够脆口，整体喺有水准嘅。
海盐焦糖咖啡流心牛角包 +$28小弟就试个甜味嘅流心牛角包作甜点，皆因有焦糖同咖啡元素，喺小弟「飞弗」嚟。牛角包果然好酥脆，而里面嘅流心馅好澎湃，一切开就涌晒出嚟，带浓浓咖啡香，嗒落又确喺有阵阵咸味，以牛角包沾嚟食，又几得意啫。
冻即磨咖啡 +$15、朱古力咖啡 +$25餐饮方面，我哋都加钱转冻饮，小弟就简简单单要杯即磨咖啡，因为今日出面真喺好热，真喺要揾杯冻饮凉一凉吓；老友嘅朱古力咖啡几靓仔㖞，佢话朱古力味同咖啡味都几平衡，感觉唔错。
两个食吓、倾吓都搞到小弟超晒时，所以，一埋单就飊返公司，但不时趁食晏咁样聚一聚又几好，最紧要老友请就我啫。
张贴
