影片
更多
2021-06-12
3166 浏览
「怀石料理 Kaiseki」，历史最远可以追溯到400几年前。一开始怀石料理只多半系素食，或系三𩠌一汤，以精致，讲究，量少为特色。但随著人嘅物质生活越来越丰富，饭𩠌亦都越来越多，演变至今，怀石料理已成为高级日本料理形式，对摆盘，食器，时令食材均有严格嘅要求 ，以表示对贵客嘅尊重。今次嚟到半岛酒店嘅Imasa试佢期间限定「怀石春夏盛筵」，Imasa贵为香港第一间引入怀石料理嘅日本餐厅，食物质素当然有保证。而的确每款𩠌真系令我留低深刻印象，一路食只可以大赞「好得」。无论用餐环境，定食物质素，都绝对系满分💯。「怀石春夏盛筵」 menu里面共有八款料理，合共有六款酒做配搭，言谈间知道每款清酒都系谢经理喺日本亲自寻觅或者拜会造酒师傅带返嚟，喺香港唔系随便买到。其实净听佢介绍，都会觉得实在非常用心。先由前菜讲起，前菜分别系「京都腐皮」，「东方蝾螺」，「油渍八爪鱼」同「带子」配飞驒高山县柚子乒卫柚子酒。全部都非常鲜甜，有咬口又唔会太韧，而京都腐皮系极重豆香，配埋柚子酒，非常开胃。前菜后就有蟹肉豆腐沙鮻鱼汤清一清味蕾，汤汁非常甘甜清香，里面用料亦系十足。之后到刺身，分别有「伊势海老」，「海胆」，「活赤
今次嚟到半岛酒店嘅Imasa试佢期间限定「怀石春夏盛筵」，Imasa贵为香港第一间引入怀石料理嘅日本餐厅，食物质素当然有保证。而的确每款𩠌真系令我留低深刻印象，一路食只可以大赞「好得」。无论用餐环境，定食物质素，都绝对系满分💯。
「怀石春夏盛筵」 menu里面共有八款料理，合共有六款酒做配搭，言谈间知道每款清酒都系谢经理喺日本亲自寻觅或者拜会造酒师傅带返嚟，喺香港唔系随便买到。其实净听佢介绍，都会觉得实在非常用心。
先由前菜讲起，前菜分别系「京都腐皮」，「东方蝾螺」，「油渍八爪鱼」同「带子」配飞驒高山县柚子乒卫柚子酒。全部都非常鲜甜，有咬口又唔会太韧，而京都腐皮系极重豆香，配埋柚子酒，非常开胃。
「京都腐皮 」，「东方蝾螺」，「油渍八爪鱼」，「带子」
194 浏览
0 赞好
0 留言
前菜后就有蟹肉豆腐沙鮻鱼汤清一清味蕾，汤汁非常甘甜清香，里面用料亦系十足。
蟹肉豆腐沙鮻鱼汤
132 浏览
0 赞好
0 留言
之后到刺身，分别有「伊势海老」，「海胆」，「活赤贝」，「拖罗」，「油甘鱼」同埋「鲈鱼」组成嘅刺身拼盘配太平山纯米大吟酿。伊势海老，活赤贝同埋鲈鱼分别都系非常清甜同埋爽口，油甘鱼非常厚实鲜甜，拖罗更加系肥美同入口即溶。但最惊喜嘅必定系海胆，海胆非常甘甜，佢挖空青瓜中间将海胆酿入里面，满泻到底，绝对极之满足！太平山纯米大吟酿入口比较辛口，配刺身非常完美。
刺身拼盘
119 浏览
0 赞好
0 留言
太平山纯米大吟酿
67 浏览
0 赞好
0 留言
然后系松叶蟹茶碗蒸配锅岛纯米吟酿，呢款锅岛纯米吟酿非常特别，谢经理提及佢系亲自将佢带返嚟，坊间而家无货购买，亦称佢为「Omakase酒」，因为里面嘅调味以及酒精浓度一样都系由造酒师傅发办，你唔会知道里面嘅内涵，非常有趣。当我沈醉系锅岛嘅故事同味道时，再试一啖茶碗蒸，好夹，松叶蟹茶碗蒸里面嘅蛋非常甜同埋嫩滑，同锅岛嘅甘甜味好配合。最意想不到嘅系，茶碗蒸上面有一块煎鹅肝，鹅肝应系先煎香再一齐蒸，所以令佢嘅油脂更香，非常好味。
松叶蟹茶碗蒸
88 浏览
0 赞好
0 留言
锅岛纯米吟酿
61 浏览
0 赞好
0 留言
再嚟就系季节贝类，北海道白栗米天妇罗配九平次纯米大吟酿，我平时甚少食天妇罗呢类炸物，因为做法睇落简单，但其实技巧要十足，唔容易做得好。季节贝类系炸蚬，丝毫食唔到任何油腻感，但亦唔干身，因为一咬竟然有好多嘅汁流出，非常美味。正当我以为贝类已经出色，最出色竟然系白栗米同埋紫苏叶，白栗米非常鲜甜，紫苏叶亦非常香口，配埋九平次纯米大吟酿嘅果香味，好有惊喜。
季节贝类，北海道白粟米天妇罗
67 浏览
0 赞好
0 留言
主菜系朴叶味噌烧鹿儿岛和牛配十四代吟酿，和牛带有蒜味，油脂丰富又入口即化，下面有野菌，同样系非常重蒜味又爽口。贵为日本清酒之王，十四代当然非常厉害，甘甜梨味的确令呢道菜更完满。
朴叶味噌烧鹿儿岛和牛
82 浏览
0 赞好
0 留言
十四代吟酿
50 浏览
0 赞好
0 留言
跟住系九洲豚肉拉面，已到尾声，而我亦非常饱，但我一试汤底，就已忍唔住全碗连汤饮完，因为拉面汤底非常浓郁，拉面面质又非常烟韧，好美味，一口接一口就全碗食完。
九洲豚肉拉面
95 浏览
0 赞好
0 留言
最后就系料理长精选甜品配白金黑酢梅酒，甜品分别系夕张哈蜜瓜，爱文芒果，芝士年糕同埋绿茶蕨饼，一样好高质素。白金黑酢梅酒入口清爽解腻，完整咗呢餐丰富嘅晚餐。
料理长精选甜品
46 浏览
0 赞好
0 留言
总括而言，无论系环境，餐厅员工服务，食物质素都系非常高质，能够喺半岛酒店屹立25年，实在有其出色之处。
张贴
