影片
更多
2023-10-12
1855 浏览
难得有位老死约食饭㖞，当然出嚟啦，不过，佢放工有少少唔定时，地点就梗喺要就佢啦，所以，今晚就过咗嚟湾仔。因为同呢位老死久唔久都见吓面，所以，今晚就纯粹食餐饭，揾间经济实惠嘅小店，喺网上揾到呢间「拾味山西刀削面馆」，谂住十拿九稳。 睇相你就知绝对喺间街坊小店，一室灰白色调，装修平实，简简单单，胜在整洁光猛，又有电视捞饭。嚟嘅都喺打工仔，收工过嚟食碗粉面先返屋企。 餐牌有两大页，A至H系列，有面有菜饭，仲有滋味小食同饮品，一时间睇到眼花撩乱，都要慢慢研究吓。 而落单就自己嚟，晌枱角有二维码，相信依家大部份人都熟晒用。如果搞唔掂，就揾阿姐落单啦。 此外，枱上有少少调味料摆晌度任用，枱侧嘅柜桶就如茶记咁，摆咗筷子同牙签。 H07 上海云吞温泉蛋木耳刀削面 $63老友醒目，拣咗款多配料嘅刀削面，虽然只温泉蛋唔喺好「温泉」，不过，木耳就俾咗好多，云吞都有4大只，可以讲𩠌料俾足，味道亦唔错，木耳好爽脆，云吞好爽滑，啲刀削面喺点？下面再讲。C04 蒜泥牛展刀削面 $62小弟就拣咗个蒜泥牛展，面𩠌喺分开装，加上面条之上就再无任何配料，所以，显得碗面好寡。讲到啲牛展，其实都几好食，卤到好入味，咬落有咬口，
睇相你就知绝对喺间街坊小店，一室灰白色调，装修平实，简简单单，胜在整洁光猛，又有电视捞饭。嚟嘅都喺打工仔，收工过嚟食碗粉面先返屋企。
餐牌有两大页，A至H系列，有面有菜饭，仲有滋味小食同饮品，一时间睇到眼花撩乱，都要慢慢研究吓。
而落单就自己嚟，晌枱角有二维码，相信依家大部份人都熟晒用。如果搞唔掂，就揾阿姐落单啦。
此外，枱上有少少调味料摆晌度任用，枱侧嘅柜桶就如茶记咁，摆咗筷子同牙签。
H07 上海云吞温泉蛋木耳刀削面 $63老友醒目，拣咗款多配料嘅刀削面，虽然只温泉蛋唔喺好「温泉」，不过，木耳就俾咗好多，云吞都有4大只，可以讲𩠌料俾足，味道亦唔错，木耳好爽脆，云吞好爽滑，啲刀削面喺点？下面再讲。
C04 蒜泥牛展刀削面 $62小弟就拣咗个蒜泥牛展，面𩠌喺分开装，加上面条之上就再无任何配料，所以，显得碗面好寡。讲到啲牛展，其实都几好食，卤到好入味，咬落有咬口，质感带点点韧劲，不过，就咁配啲生蒜泥得个辣字；面条要啲爽啲，其实，食落都喺以烟韧感为主。
豆浆 +$6所有嘢都散点，无话套餐嘅选项，除非着住校服嚟，有饮品奉送，否则就额外加钱，所以，我哋两个都嗌咗杯冻豆浆，杯豆浆唔知来货定自家制，但味道都唔错，好香浓，有豆香。
整体嚟讲，啲刀削面喺唔错，不过，就唔喺话好有惊喜，正正常常咁啦，如晌啲配菜有多少少心思，令性价比更高。
张贴
