海悅華宴

营业中

休息中

【#不进则退 😢】#海悦华宴之前经常系度饮下午茶，觉得质素几好，于是介绍咗比网友试吓😄 其实我好怕「推介魔咒」出现，即系介绍完之后水准大跌watt，由好食变成难食😩不幸地，依个魔咒似乎出现咗🤢 介绍完之后来过几次饮早茶，觉得点心质素冇以前咁好，如果你话早茶同下午茶师傅有唔同，咁个差别真系几大🙁蒜香虾春卷，幼幼长长好似几「得意」，食落都系勉勉强强，少少脆身。以前好钟意食 #叉烧肠粉 ，因为够滑够香，但今日食，肠粉皮又厚又实， 馅料又唔多冇乜香味，完全唔掂。以前有人教落，话肠粉如果系即做，只碟唔会好热，相反如果只碟好热，就好大机会系成碟翻热🤔 如果有高人睇到，可以教吓我是否真确🙏同样唔掂系个牛肉球，食过三次都系有种唔好味道，十足叮叮点心差唔多😱 以前根本唔会咁样，今次都冇叫。最搞野系个蒸萝卜糕，面头好似好多萝卜，但食落个底竟然好似就咁食旧粉咁🤤 我哋甚至怀疑佢系蒸咗一嚿斋粉，然后放好多萝卜喺面就算，捞馅非常马虎😓唯一系 #马拉糕 似样少少，够松软👍真系唔知系咪换咗师傅，定系减咗肠粉个人手，肠粉质素明显差咗好多， 捞馅都系一样😕 见佢仍然座无虚席，但我暂旳唔会再去，亦收回之前对佢既欣赏💔海悦