影片
更多
2024-11-10
971 浏览
睇「消夜节目」主持人介绍，今日横掂过开湾仔～试佢试佢节目内介绍咗～牛杂粥，煎蛋虾米肠，净系听到「牛杂粥」呢三个字都己经好吸引，因为牛杂，牛杂面，真系由细食到大，入落粥到真系第一次尝。一放低，其实有啲失望，点解？点解得一半嘅？呢个型态系未食架，粥真系个碗一半都无，唔好同我讲好似西餐啲「卡邦尼」咁，碟好大，啲意粉喺个「窿」入面得几条，以呢个逻辑计算～正常！？好彩啲牛杂同粥都好食，攞返晒啲『分』返嚟，牛杂最紧要洗干净同新鲜，无果阵「徐」，粥底要「软糯」同「绵」，识食粥就知我讲乜！煎蛋虾米肠，好鬼好食，其实系女友食，忍唔住都食咗几嚿，如果唔系阿姐事前话「无得加单」，我肯定嘅多一碟～好食！因为唔可以加单，所以都加定个糯米饭，都系得个碗嘅一半，二旧大冬菇有咬口同都好出味，糯米饭略嫌份量少咗啲，同硬咗小小，味道刚好大会太咸。三样食物嘢嘅水准同味道都俾到我惊喜，唔怪之得系「长龙店」，如果个粥同糯米饭个份量多返啲就完美。几钟意个老板成间铺啲摆设同性格，点解？摆设系佢啲枱系用我哋做学生时嘅枱，至于『性格』，下次你入去果时，唔「烫」埋个玻璃门，你就知道我讲乜！至于唔可以「加单」，我个位其实唔系好睇得清楚，佢
节目内介绍咗～牛杂粥，煎蛋虾米肠，净系听到「牛杂粥」呢三个字都己经好吸引，因为牛杂，牛杂面，真系由细食到大，入落粥到真系第一次尝。
一放低，其实有啲失望，点解？点解得一半嘅？呢个型态系未食架，粥真系个碗一半都无，唔好同我讲好似西餐啲「卡邦尼」咁，碟好大，啲意粉喺个「窿」入面得几条，以呢个逻辑计算～正常！？好彩啲牛杂同粥都好食，攞返晒啲『分』返嚟，牛杂最紧要洗干净同新鲜，无果阵「徐」，粥底要「软糯」同「绵」，识食粥就知我讲乜！
煎蛋虾米肠，好鬼好食，其实系女友食，忍唔住都食咗几嚿，如果唔系阿姐事前话「无得加单」，我肯定嘅多一碟～好食！
因为唔可以加单，所以都加定个糯米饭，都系得个碗嘅一半，二旧大冬菇有咬口同都好出味，糯米饭略嫌份量少咗啲，同硬咗小小，味道刚好大会太咸。三样食物嘢嘅水准同味道都俾到我惊喜，唔怪之得系「长龙店」，如果个粥同糯米饭个份量多返啲就完美。几钟意个老板成间铺啲摆设同性格，点解？摆设系佢啲枱系用我哋做学生时嘅枱，至于『性格』，下次你入去果时，唔「烫」埋个玻璃门，你就知道我讲乜！
至于唔可以「加单」，我个位其实唔系好睇得清楚，佢好似一个人喺厨房「踢」晒全部，如果系咁，唔可以加单又几正常，俾我都会咁做，所以要「睇谅」！回头度：9/10
张贴
