影片
更多
2021-10-22
3523 浏览
星期六，最佳嘅节目都喺行吓山，不过，由于天气不稳，唔敢「吹鸡」，呢一转都喺临时前一晚决定，死两个试行啲新路线而已。由火炭骏洋村起步，兜个圈到黄竹洋，再一路爆上针山，最后经城门落番葵涌，今次都真喺行得几甘。落到葵涌，到石篱一带揾食，「新香」早前经过见到时已想试，但老婆嫌地方逼狭唔安心，今次两个麻甩佬，咩都无所谓架。 依家好多新开嘅茶记都不时扮怀旧，但「新香」呢？唔使扮都好怀旧，因为，由外到内都睇到𠮶份旧有嘅老冰室味道，好有本土茶记特色，唔单止地下嘅格仔地砖，睇睇水吧位，件件皆古董呀，有晒历史嘅痕迹。食物款式就简单啲，都喺早餐、特餐、三文治餐、下午茶餐咁啦，唔会太多花巧嘢，但价位就好相宜。 另外，门口栋咗个水牌，仲有两款简单饭餐，睇落就似喺全日供应，连汤包饮品，都喺$36咋！快餐店买个净碟头饭唔要嘢饮都未必得呀。另外，面包喺自家制，不时出炉，晌门口就摆满好多港式面包、蛋糕，仲有曲奇，而啲面包卖得好平，无馅嘅如菠萝、猪仔都喺$3.5/个，有馅嘅如肠仔、餐蛋面只不过$4.5/个。特餐 $36行完山，就唔太想食饭，所以，拣咗个特餐，其实都丰富，有牛油多士配餐肉火腿煎蛋、米粉或公仔面、基本餐饮。先
依家好多新开嘅茶记都不时扮怀旧，但「新香」呢？唔使扮都好怀旧，因为，由外到内都睇到𠮶份旧有嘅老冰室味道，好有本土茶记特色，唔单止地下嘅格仔地砖，睇睇水吧位，件件皆古董呀，有晒历史嘅痕迹。
食物款式就简单啲，都喺早餐、特餐、三文治餐、下午茶餐咁啦，唔会太多花巧嘢，但价位就好相宜。
另外，门口栋咗个水牌，仲有两款简单饭餐，睇落就似喺全日供应，连汤包饮品，都喺$36咋！快餐店买个净碟头饭唔要嘢饮都未必得呀。
另外，面包喺自家制，不时出炉，晌门口就摆满好多港式面包、蛋糕，仲有曲奇，而啲面包卖得好平，无馅嘅如菠萝、猪仔都喺$3.5/个，有馅嘅如肠仔、餐蛋面只不过$4.5/个。
特餐 $36行完山，就唔太想食饭，所以，拣咗个特餐，其实都丰富，有牛油多士配餐肉火腿煎蛋、米粉或公仔面、基本餐饮。先嚟份多士，而餐肉火腿煎蛋喺俾齐3样，唔喺3拣1或3拣2，多士烘得脆口，虽然餐肉唔喺「白猪仔」，但质素唔差，啲蛋亦好大只，啲嘢真喺无欺场。
碟沙嗲牛肉汤面一样份量十足，睇见啲牛肉就知，唔喺三几嚿，而且口感松化腍滑，个沙嗲亦推得好香浓惹味，公仔面就应该喺大光面之类，OK啦。
晌茶记饮奶茶喺最稳阵嘅选择，加上呢度由老师傅坐镇，喺稳胆之选。改冻奶茶都只喺加$2而已，老店宁舍有人情味，唔会吓吓赚尽。杯奶茶水准确喺高，茶底好芳香，茶奶比例啱啱好，好饮。
食客都以街坊客为主，跟店员有倾有讲，虽然小店环境、人事依旧，但跟随潮流，都可以用八达通、支付宝俾钱，方便到一众街坊。真希望呢啲老冰室可以薪火相传，一代接一代做落去。
张贴
