新香冰廳餅店

营业中

休息中

我也是看了YouTube 介紹而慕名而來的！香港連鎖餐廳多的是，獨立店舖已買少見少，何況非集團背景的小店，－定要支持一下，所以都係千山萬水長途跋涉到來幫襯，可能今日係公假，就算係三點時段，都人頭湧湧，－位難求! 好在角落卡座有人剛離座，所以啱啱好，唔駛等！真心菜單款式多，價錢算係咁，由於第一次試,所以點了最貼地但又唔係間間茶記有嘅叉燒湯意加煎雙蛋配多士，飯腳叫咗炸豬扒麵。真心食物算好食，豬扒麵有兩件豬扒，算係多，而且豬扒味道唔錯，其實係煎豬扒非炸豬扒，公仔麵煮得剛好。叉燒意粉中的叉燒唔算柴，意粉湯底亦不求其，加上杯齋鴛鴦，飲得出茶味！整體算出色！如果我住係附近，我應該都會係常客。

今日去朋友屋企前係佢附近見到呢間比較懷舊冰室就入去試吓！牆上面嘅餐牌都係用筆寫出黎😬冰室門內就有各式各樣嘅懷舊餅食、麵包蛋撻蛋糕購買😃臨近中秋，好多款手工月餅🥮我最鍾意食嘅雙黃及四黃白蓮蓉🥰聽姐姐講因為自家製冇乜落防腐劑😊臨走前都買咗兩個返屋企試吓🤗呢度茶餐係叉燒湯意粉🙌雞湯底飲落唔會過鹹😬意粉軟硬適中.唔會煮到超級腍👍配埋雙太陽蛋及加一蚊轉多士🤣不得不提呢度嘅鴛鴦真係幾好飲🤩茶香奶滑帶點咖啡味👍

睇完YouTube介紹慕名到訪，星期日下午1點鐘1位難求，要等位。勤奮老板娘親力親為，一盆盆新鮮出爐麵包穿梭餅房與門口麵包檔之間。烈日當空，老板娘請客人入內等候，體貼周到！裝修食物種類，播放歌曲全是懷舊式冰廳，仲有維他奶，極罕有！伙記做到冇停手，依然無阻慇勤服務，笑容滿面，有問必答。叫咗招牌沙爹牛食物好味，人情味更加難得！拎拐杖客要走，伙記拖扶、開路出埋舖頭。呢D濃濃人情味係從前茶記的回憶，令人懷緬。堂食之餘仲有叫外賣，冇諗過樓面阿姐入咗盒，拎嚟比我睇過，邊度搵，好感動！伙記同D客互動，客人都份外好傾。老板娘老公放假過嚟幫手，齊心合力！小店值得支持！

很少去葵涌，今日由港島區出發去試試新香。乘搭港鐵去葵芳站再轉乘235M巴士，於北葵涌街市站落車步行數分鐘便到達。門口兩邊各有一排大玻璃櫃分別擺放好西式麵包及傳統中式糕點。行入冰室坐下，望著貼在牆上的餐纸，最後叫了吉列豬扒常餐。40元一客加一杯熱飲。上桌時有塗了牛油的餐包，茄汁焗豆，香腸，煎疍及一塊超巨型的豬扒！坐在對面的太太笑著建議我要加沙律醬吃豬扒會更好味。環顧店鋪，應該大部份是街坊。他們一進店，伙記們已經招呼著，並按他們慣常的喜好下單。我喝著奶茶吃著常餐，靜靜聽著街坊們的閒聊，不時看著師傅、伙記及老闆娘Mandy等人把一盤盤新鮮出爐麵包拿出去櫃面，雖然我是第一次光顧，也有一種說不出的親切感。埋單後到外面買了皮疍酥便離開，行了幾步，聽到後面有人很大聲跟我說bye bye, 原來是Mandy追出來，因為阿姐告訴她我由港島專程去探店。我停下和她談了一會，叫她要好好加油做下去！看著她額頭上的汗珠，有點心疼，但深信有魄力有熱誠的她會愈做愈好的！

走進呢間冰室，首先係被個溫暖嘅氣氛圍住，我一坐落，已經迫唔及等嚟試佢哋嘅招牌啲咩啦。首先係班餅底嘅雪菜肉餅米線，啱啱好嘅鹹香啲味同咸咸地嘅雪菜完美結合，米線滑嘟嘟嘅，啖啖肉餅真材實料。攞過份煎雙蛋嚟，外圍微脆，撞穿個蛋黃瞬間流晒出嚟，黃澄澄嘅誘惑，搭配簡單嘅火腿同餐肉，依家仲要講埋煎得金黃香噴噴嘅多士，香脆得嚟唔油膩，真係好正點啊👍！飲品方面，當然少不了杯經典港式奶茶。嗰陣奶香同茶香完美交織，每一啖都係温暖滿足，感覺就好似係☀️出現喺雲層之間，閃閃發光。至於服務，呢度啲員工真心親切有禮，即叫即有，令人食得舒坦兼得意。如果你想尋味古早嘅茶餐廳feel，呢間冰室絕對值得你黎一轉，食返個滿足嘅早午餐🍽️！

總括嚟講 78.1923820/100今次嚟到呢一間隱世嘅懷舊冰室ok值得試一試 ❤️ 環境方面 75.293829/100一開始只不過係經過俾佢懷舊嘅感覺吸引到，成日食新潮野間吾中都好想回味返從前食茶餐廳嘅感覺，所以入咗呢間餐廳 。位置唔算話好闊落、衛生環境正常、但佢真係細細個傳統茶餐廳嘅模樣，其實而家好多茶餐廳都越嚟越新潮反而缺乏懷舊感覺 所以入到去好似番左小學咁🤭食物方面 79.283902/100今次點咗五香肉丁公仔麵同埋雪菜肉絲米粉 ，應有嘅味道都有，真係有返六歲食茶餐廳嘅感覺🥹嗰種味道幾好食，係來自於情懷而吾係味道，奶茶味道來講就中規中矩，唔算話好好飲嘅奶茶 （可能我對奶茶要求比較高）價格 90.273829/100價格嚟講真係十分分抵食，一個常餐連嘢飲$38 ，仲要佢嘅伴碟唔係剩係得多士火腿同蛋總有午餐肉，我見到佢其他下午茶20幾蚊 講真，我覺得20幾蚊食一個餐連嘢飲，你自己煮都唔得啦🥹 抵食到喊我會覺得呢間可以係成日得閒嚟嘅餐廳，但係唔應該長途跋涉特登走來食。但係如果住喺附近嘅話就值得得閒過嚟食又抵食，又有情懷🥰總括嚟講 78.1923820/100今次嚟到呢一間隱世嘅懷

小弟外國返嚟，想懷念舊香港。呢間冰室 有80/90年代香港冰室氣氛同味道。包點蛋撻 酥脆軟滑;牛肉湯麵 肉嫩味濃;配杯檸茶，加支玻璃樽裝維他奶，好有想當年小學時代嘅情懷。外國返港嘅話，值得嚟試吓。

週末行完山，順路落番石蔭搵食，見到間懷舊茶餐廳 “新香冰廳餅店”見到啱啱出爐蛋撻，唐餅，麵包。即刻入去坐低，嗌咗個牛油皮蛋撻、蛋捲 、熱奶茶。食得出係用心制作蛋撻$6- 8分:香酥甘香，蛋味濃，size 啱啱好蛋捲$6- 7.5分: 蛋味濃，口感豐富，略欠溫度 （如果新鮮出爐會更好）熱奶茶$15- 8分: 茶餐廳風味，飲得出茶膽用多種紅茶葉調配，夠香夠熱，略嫌未夠滑口 （個人喜歡黑白淡奶)Ps: 餐廳好多熟客仔，老闆伙記客人有講有笑，相處融洽，唔經唔覺坐咗2個鐘下次有機會過嚟行山，想試佢茶餐…

聽說話有良心新老闆接手…..👍🏻舊員工師父無變照用…👍🏻價錢照舊…👀眼見仲好似多左幾個伙記添😂可能係新老闆..同以前一樣….入到去伙記都好熱情叫我坐底，可能熟客真係認得我！坐底左好自然問我係咪照舊😊每次都係一個簡簡單單沙嗲牛麵+涷檸茶少甜！雖然簡單…但沙嗲夠味，啲麵每次都唔太硬唔太淋😋……合哂我河車😊….有時撞啱出爐蛋撻都會叫多個！呢度啲蛋撻賣得好快！之前食開酥皮蛋撻……今次係曲奇皮…….😋好正！其實呢度之前停左大半個月！今日一去到…覺得乾淨咗🤔…….😆成個冰室都光猛左…..😄應該花左唔少功夫去清潔！特別提一提…..呢度5:00後會有$10/3個特價麵包！我見有好多公公婆婆買……良心老字號令我由細到大都keep住幫襯！

朋友新屋入伙….執到咁上下肚餓我地去左屋苑附近食下野…….人生路不熟….行行下見到呢一間冰廳餅店啱啱有新鮮出爐蛋撻🤤🤤唔理三七廿一叫埋朋友一齊入去試下….入到去好老字號feel….懷舊得黎都好乾淨…老實講香港地好少一間又係冰室又係餅店嘅舖頭！我地叫左一個午餐同豬扒拼薯條🍟加多2件蛋撻！正…..😊好味仲叫多咗支裝嘅懷舊維他奶….🥹…好滿足我哋食完之後仲order左啲椰撻同皮蛋酥走添🤭🤭🤭又係新鮮出爐架🤭🤭🤭呢間野真係好好味！

星期六，最佳嘅節目都喺行吓山，不過，由於天氣不穩，唔敢「吹雞」，呢一轉都喺臨時前一晚決定，死兩個試行啲新路線而已。由火炭駿洋村起步，兜個圈到黃竹洋，再一路爆上針山，最後經城門落番葵涌，今次都真喺行得幾甘。落到葵涌，到石籬一帶搵食，「新香」早前經過見到時已想試，但老婆嫌地方逼狹唔安心，今次兩個麻甩佬，咩都無所謂架。 依家好多新開嘅茶記都不時扮懷舊，但「新香」呢？唔使扮都好懷舊，因為，由外到內都睇到嗰份舊有嘅老冰室味道，好有本土茶記特色，唔單止地下嘅格仔地磚，睇睇水吧位，件件皆古董呀，有晒歷史嘅痕跡。食物款式就簡單啲，都喺早餐、特餐、三文治餐、下午茶餐咁啦，唔會太多花巧嘢，但價位就好相宜。 另外，門口棟咗個水牌，仲有兩款簡單飯餐，睇落就似喺全日供應，連湯包飲品，都喺$36咋！快餐店買個淨碟頭飯唔要嘢飲都未必得呀。另外，麵包喺自家製，不時出爐，晌門口就擺滿好多港式麵包、蛋糕，仲有曲奇，而啲麵包賣得好平，無餡嘅如菠蘿、豬仔都喺$3.5/個，有餡嘅如腸仔、餐蛋麵只不過$4.5/個。特餐 $36行完山，就唔太想食飯，所以，揀咗個特餐，其實都豐富，有牛油多士配餐肉火腿煎蛋、米粉或公仔麵、基本餐飲。先

呢間係超級懷舊嘅冰室，好有以前茶餐廳嘅味道，喺香港已經越嚟越少咁有懷舊特色嘅冰室了。 差唔多晏晝五點幾，個肚又唔係好肚餓，但又想快啲食晚餐，結果就嚟到呢間懷舊冰室，啱啱好仲係下午茶時段，所以入去幫襯一下本土餐廳！西多士同一般冰室有啲唔同，我諗佢係用以前老一代嘅方法嚟整，味道幾特別，好吃！跟餐餸嘅牛油多士呢碗榨菜肉絲米粉份量真係超足，除咗米粉多之外，佢仲有送蛋、火腿同餐肉，抵到爛！雪翠肉絲都一樣，真係好抵食！

比起新式茶餐廳講gimmick搞fusion我更喜歡走走傳統街坊老茶室開了幾十年的老舖成了附近屋村公公婆婆們聚腳打躉之地店內的叔叔嬸嬸都好熱情好客親切店內真係樣樣都係古董舊式地磚、卡位、甚至用的杯碟都好懷舊廚房的焗爐都是超舊式的沒有溫度顯示😅這裡仍然自家製各式傳統港式麵包同撻更有我從未試見過像蜂巢一樣的蛋糕仔最受歡迎的當然係菠蘿包、蛋撻菠蘿包鬆軟但面頭的菠蘿皮唔夠脆蛋撻是我喜歡的酥皮 一層層鬆化脆感 好好食如果預啱新鮮出爐應該會更正雖然食物未必係最好食 亦唔會有什麼驚喜除咗傳統麵包同撻餅 當然少不了常餐特餐的沙爹牛肉麵火腿奄列多士連熱奶茶咁豐富都只係$36！實在抵食整體味道就一般般啦 唔好有太大期望但絕對係平食飽肚之選都是最傳統做了幾十年的味道但就是那份溫情人情味是獨有的 亦係最香港的味道

呢間冰室喺我細細個就已經係度，真係光陰似箭!!😫呢度的食物款式好簡單，只有早餐、特餐、奄列、炸脾、西多士等等，餐廳外會擺放一盤盤麵包、蛋糕，價錢親民！疫症期間，入去時要去收銀處探熱。今日叫下午茶，茄蛋冶望落去好整齊，雞蛋煎到正正方方同方包大小一樣，所以食既時候唔會只咬到方包；熱奶茶非常香滑，一d 苦澀味都無，好飲👍🏻

在這裏食物千篇一律，早餐是沙嗲牛肉麵，午餐可以是沙嗲牛肉飯，但是這裏的食物質素是會令人一吃再吃，這裏的沙嗲牛肉很濃郁牛肉很軟滑，再加上口感似出前一丁的公仔麵簡直是完美的香港配搭！這裏的奶茶也是公認的高水準！這裏也可以看到餐廳的員工和客人的互動就像認識很久的朋友一樣，無論廚房的員工，也可以隨時跟座上客閑談起來，這就是街坊餐廳的溫暖之處，除了主食還有包點蛋糕！維他奶也有樽裝的！