Sagrantino

营业中

休息中

万圣节约埋朋友们系中环食饭，简左依间由日本人主理既意大利餐厅，最开心既可以带酒去开！前菜点左八爪鱼沙律，味道其实一般，因为八爪鱼有点韧，要切细啲慢慢食先得，另外既意式蕃茄法国面包就好正，我钟意蕃茄加左好香既橄榄油，味道岩岩好，唔会太过油腻，好开胃！主菜有Bistecca beef steak, 因为系日意fashion 菜，无左平时食牛扒既重要元素「油脂香味」，因为应该系半慢煮，所以依道菜牛肉味系偏淡，主要靠个汁先有味，但个汁又有系甜甜地既，咁岩我唔钟意sweet base既酱汁，于是我要左芥辣调下味。最钟意既始于都系偏和风既cold pasta, Zuke, 吞拿鱼刺身紫菜冻意粉，口感好爽好弹牙，意粉个汁似食更日式冷面既铿鱼豉油，好少地方会咁整，加埋Wasabi配吞拿鱼，口感都几多元化！仲有鱼子酱蕃茄大虾意大利粉，平时好少叫鱼子酱既野，原来配蕃茄都好夹，有点似明太子，大虾就得一只，份量就真系唔系咁抵，个酱就唔错既！Overall, 系中环食晚饭黎讲，真系好抵食，餐厅气氛都非常好，值得推介！会再返黎试下其他菜式！