影片
更多
2021-11-02
1874 浏览
早排晌葵涌一间小店食过一道全只龙虾喇沙，定价非常相宜，而且，非常好食，今晚趁住老婆要晌油麻地返学，等埋佢放学就会一会「村爷爷」，试试佢哋大热嘅龙虾车仔面，身边有唔少食友都帮衬过，都一致赞好，加上老婆都话好耐未食过车仔面，就豪食一餐车仔面。 有帮衬过「村爷爷」都知，佢一间铺卖车仔面「村爷爷车仔面」，隔个铺位就卖泡饭、炖汤「村爷爷龙虾汤.泡饭.炖汤专家」，我哋先入「车仔面」𠮶边，点解无乜人？ 原来有啲特喇事，提早收铺，店主就安排我哋过去「泡饭」一边，照样可以点车仔面嘅嘢。话时话，呢边都好旺，差唔多坐满客咁滞，啲枱亦翻得好快。 门口栋咗个抵到无朋友嘅汤面餐牌，指定嘅5款汤面，只卖$25碗，绝对喺粮尾救星。此外，主打车仔面就分龙虾汤底（3𩠌1面卖$52、4𩠌1面卖$60）及猪骨汤底（3𩠌1面卖$36、4𩠌1面卖$44、5𩠌1面卖$52），加𩠌每款$8，如拣必食推介就$11，6:00pm前惠顾4𩠌以上仲送嘢饮添，但配嘢饮都唔贵，热饮加$6，冻饮或汽水就加$9。 虫草花螺头鸡汤 $48呢个喺新出品，因为老婆钟意饮汤，汤水啱晒佢。唔讲得笑，虽然喺汤，但汤料也不少，里面有好多虫草花同鸡肉，仲有啲娃娃
有帮衬过「村爷爷」都知，佢一间铺卖车仔面「村爷爷车仔面」，隔个铺位就卖泡饭、炖汤「村爷爷龙虾汤.泡饭.炖汤专家」，我哋先入「车仔面」𠮶边，点解无乜人？
原来有啲特喇事，提早收铺，店主就安排我哋过去「泡饭」一边，照样可以点车仔面嘅嘢。话时话，呢边都好旺，差唔多坐满客咁滞，啲枱亦翻得好快。
门口栋咗个抵到无朋友嘅汤面餐牌，指定嘅5款汤面，只卖$25碗，绝对喺粮尾救星。
此外，主打车仔面就分龙虾汤底（3𩠌1面卖$52、4𩠌1面卖$60）及猪骨汤底（3𩠌1面卖$36、4𩠌1面卖$44、5𩠌1面卖$52），加𩠌每款$8，如拣必食推介就$11，6:00pm前惠顾4𩠌以上仲送嘢饮添，但配嘢饮都唔贵，热饮加$6，冻饮或汽水就加$9。
虫草花螺头鸡汤 $48呢个喺新出品，因为老婆钟意饮汤，汤水啱晒佢。唔讲得笑，虽然喺汤，但汤料也不少，里面有好多虫草花同鸡肉，仲有啲娃娃菜，而且，坚有唔少螺片。汤嘅味道好香甜，饮得出用料十足，鸡肉亦颇嫩滑，净饮呢个都够顶到一餐。
虫草花螺头鸡汤
$48
35 浏览
0 赞好
0 留言
4𩠌（墨鱼手指、大肠、蚝油冬菇、豆卜）$35既然喺豪食，当然配多几款𩠌，餐牌中粉红字为推介，又点啲试试。墨鱼手指真喺几唔错，外层脆口甘香，内层墨鱼胶打得好弹牙；大肠洗得干净，亦去走晒啲肥膏，完全无𠮶阵臊膻味，又腌得好食；蚝油冬菇非常大只，超厚肉，以蚝油炆过，完全入晒味。豆卜就纯粹喜好嗌埋，都好有豆香，无油膉味，整体真喺食得出用料不赖。
殿 • 龙虾汤车仔面 $68以前食龙虾伊面喺高档嘢，依家就平民化、大众化好多。呢款龙虾汤面有半只龙虾，反转睇一睇，劲多虾膏，而且，虾肉好爽弹，又足虾鲜味；呷一口汤，果然好坚，虾味精华涌晒出嚟，好浓郁，喺嫌汤少咗啲，然而配上伊面，索咗啲汤汁，就宁舍好味。餐厅都好贴心，备有大钳、湿纸巾，唔怕搞唔掂只龙虾。
殿 • 龙虾汤车仔面
$68
77 浏览
0 赞好
0 留言
4𩠌（南乳炸鸡翼、秘制猪手、蚝油冬菇、生根）$38既然同老婆各自拣，小弟就要番多啲肉。南乳炸鸡翼炸得香脆，却唔油腻，带有阵阵南乳香；秘制猪手都好正㖞，炆得又腍又香，外皮好爽滑；蚝油冬菇上文就讲咗啦，而生根吸咗啲卤水汁，就自然好食啦！
冻柠乐 $14 跟餐要汽水就加$9，柠底就再加多$5，不过，食住车仔面，食住冻柠乐，感觉特别爽，更喺一种平民情怀。
无论啲汤底、车仔𩠌，果然喺做得有质素，不单味道好，用料亦无欺场，再者，店家晌汤底、食材都花咗唔少心思，搞吓啲特色嘢吸客，怪不之得啲客川流不息咁啦！
张贴
