影片
更多
2021-12-27
1459 浏览
临近圣诞，约咗同样晌中环返工嘅旧同学食晏，当喺庆祝又好，当喺聚一聚又好。其实我都有少少怕食晏时间出嚟同人逼，因为中环放饭时段真喺好多人，人山人海咁，但同老同学食饭就点都要出嚟嘅。选址拣咗新开无耐嘅「PHI」，小弟就未到访过，试新嘢我一向好有兴趣。餐厅嘅装修带点文青，一来以浅色木系为主调，配以柔和灯光，予人感觉舒服；二来喺好多位置都插上大量干花、植物木，简约富文艺气氛，有份写意感。晌门口望入去，感觉室内环境好似唔喺好大，再走入啲，原本个铺位都几深、几长。此外，除咗招牌嘅梳乎厘班戟之外，佢哋嘅甜品都好有亮点，晌饼柜里边就放有实物，当然要影一影啦。食物方面，主打自然喺其梳乎厘班戟，款式十分之多，仲有多种咸食，如三文治、法式多士、沙律、意大利面、全日早餐、热香饼，以及多款蛋糕；而饮品亦都非常多元化、多选择，点主食，更可以以优惠价加配。时值圣诞，店家亦相应节目推出咗几款应节梳乎厘、特饮同咖啡。不过，小弟食评出街之时，呢个节日限定都应该完结咗。青口烟肉意粉 $88先嚟一碟咸点垫垫肚先，本来就想试个辣蕃茄蟹肉扁意粉，不过，旧同学唔食得辣，就拣呢一道意粉，睇落亦都唔差㖞，除了青口、烟肉，仲有啲大蚬，青
餐厅嘅装修带点文青，一来以浅色木系为主调，配以柔和灯光，予人感觉舒服；二来喺好多位置都插上大量干花、植物木，简约富文艺气氛，有份写意感。
晌门口望入去，感觉室内环境好似唔喺好大，再走入啲，原本个铺位都几深、几长。
此外，除咗招牌嘅梳乎厘班戟之外，佢哋嘅甜品都好有亮点，晌饼柜里边就放有实物，当然要影一影啦。
食物方面，主打自然喺其梳乎厘班戟，款式十分之多，仲有多种咸食，如三文治、法式多士、沙律、意大利面、全日早餐、热香饼，以及多款蛋糕；而饮品亦都非常多元化、多选择，点主食，更可以以优惠价加配。
时值圣诞，店家亦相应节目推出咗几款应节梳乎厘、特饮同咖啡。不过，小弟食评出街之时，呢个节日限定都应该完结咗。
青口烟肉意粉 $88先嚟一碟咸点垫垫肚先，本来就想试个辣蕃茄蟹肉扁意粉，不过，旧同学唔食得辣，就拣呢一道意粉，睇落亦都唔差㖞，除了青口、烟肉，仲有啲大蚬，青口同大蚬入口都几鲜甜，烟肉就添加咗啲咸香味，意粉煮得咬口，又带点点蒜香气味。
青口烟肉意粉
$88
16 浏览
0 赞好
0 留言
其实，店家嘅多款梳乎厘都好吸引，真喺唔易拣，然而，旧同学算喺抹茶控，就即时变得无悬念。单睇个梳乎厘嘅卖相，已经无得输，3大个厚身嘅梳乎厘班戟，再铺上红豆、抹茶忌廉、抹茶金宝、三色小丸子、抹茶寒天、抹茶吉士酱，临近圣诞，就加多个圣诞装饰。梳乎厘部份松软绵绵，空气感强，微微湿润，极有蛋香，红豆又绵又清甜，金宝焗得好香脆，小丸子口感软糯烟韧，寒天滑溜无比，配以忌廉、吉士酱，真喺非常好食。
宇治抹茶红豆梳乎厘
$112
14 浏览
0 赞好
0 留言
福鼎白茶 +$32佢哋嘅茶品都喺成壶咁上，可以慢慢叹，而最特别，喺附有一张小卡介绍所点嘅茶品，就好似呢一款白茶，3年陈，平性，不寒不热，有抗氧化，促进新陈代谢之效。旧同学就话最初几口就比较淡，但浸耐咗，嗒得出其茶香，清新淡雅，感觉舒服。
黑糖鲜奶咖啡 +$32虽然无啲好靓嘅拉花晌杯面，不过，唧咗少少忌廉，又加片叶做装饰，外观都唔错。而饮落，咖啡好醇香，并渗出微微嘅黑糖清甜香味，口感亦好平衡，奶泡跟浓缩咖啡撞得均匀。题外话，小弟亦好钟意佢只咖啡杯，线条靓，手感好！
橙慕丝蛋糕 $48未够喉，最后再追加一客甜点：橙慕丝蛋糕，外型绝对喺交足货，成个香橙咁款，有晒果椗旁嘅折纹。切开睇睇，里面喺清香嘅香橙慕丝，口感极之软滑，而中间有一层橙味软心果蓉，酸香好食，作为今餐结尾，真不错。
刚到步，门口有好多人等位，所以，趁离开前，再晌门口嘅「榻榻米」位补番张相，相信都喺俾人打卡用，午市时段就俾人坐晌度等位，应该唔会有人坐晌度食嘢喇，一来香港人都唔喺好惯坐，二来对面喺商厦地盘景啰！
咁舒服写意嘅环境，只可惜都喺放饭时间过嚟，未能再坐耐啲。虽然喺繁忙时段，但招呼都唔错，店员亦好有礼，事后再上网睇睇，原来已开到第4间店，真喺一家不容忽视嘅咖啡店。
张贴
