皇玥餅藝 (已搬遷) 新店位置

之前曾分享过「皇玥」嘅两款经典奶皇月饼，早前偶尔经过其尖沙咀店，知道佢哋都出咗款榴梿奶皇月饼，虽然唔喺人人都钟意嘅款式，但却喺我俩公婆颇心水嘅口味，故短篇写写分享一下。之前嘅食评都介绍过晒佢哋嘅背景，以及包装点样花心思，所以，今次就唔嘥篇幅讲咁多。总之，「流心猫山王榴梿月饼」（$328）外观典雅，长形皮革纹理纸盒喺其独特标记，送礼一流。如之前嘅流心奶皇月饼，都喺一盒6个装，每个独立包装，迷你小巧，一次一个，啱啱好。讲得喺流心就唔喺流料，一切开阵阵榴梿飘香，猫山王榴梿唔喺浪得虚名，而中间嘅榴梿流心馅睇落都好软滑，今次我无叮热佢，因怕啲流心馅泻晒出嚟，反而依家咁样，有种软心嘅感觉仲正。配合埋饼心香滑嘅奶皇馅，香而不腻，实在无得输。  质素即喺质素，「皇玥」个名差唔多喺一种保证，皆因前后试过佢哋几款产品，都无令人失望。