影片
更多
2022-06-02
1621 浏览
都好耐无约表哥聚一聚，所以，趁今日假期就约咗佢食餐晏昼，地点就番佢晌长沙湾一带。早前睇过食友对「炯记餐室」嘅分享，主打喺招牌鹅油捞面，觉得既有特色，又唔算贵，所以，就定晌嚟「炯记」。 无论铺面，抑或内笼、餐枱、餐椅，都喺以白色为主调，再配衬少少浅木色系，简约清爽得嚟有少少雅致，加埋啲吊灯，带少少日系和风。而楼底比较高，座位嘅编排亦唔算好密，所以，空间感都算十足。 嚟食晏，就介绍午餐餐牌先，选择唔多，定价四、五十蚊，包是日例汤或热饮，但可以加钱转其他饮品。不过，无我哋嘅心水选项，所以，都喺晌番主餐厅落手。 其实主餐牌嘅嘢都唔喺贵，一般而言，五、六十都已有交易，同样，包是日例汤或热饮，加钱转其他饮品，亦提供好多加配优惠。但喺，选择就多好多，例如一系列招牌太子鹅油捞面、全日早餐、炯记风味食品、烧味系列、香滑炒蛋饭餐、咖喱饭餐、特色牛角包、多款小食……等等，部份食物更有图片作参考。 饮品方面，茶记惯见嘅自然都有，另外，就有唔少特饮，有啲款式都几有卖点，值得补少少钱试试。由于餐厅都以茶记模式经营，所以，唔收加一服务费，就算喺咁，店员嘅服务都好唔错，上菜亦快。 清汤牛魔王捞面 $60我哋目标一致，
无论铺面，抑或内笼、餐枱、餐椅，都喺以白色为主调，再配衬少少浅木色系，简约清爽得嚟有少少雅致，加埋啲吊灯，带少少日系和风。而楼底比较高，座位嘅编排亦唔算好密，所以，空间感都算十足。
嚟食晏，就介绍午餐餐牌先，选择唔多，定价四、五十蚊，包是日例汤或热饮，但可以加钱转其他饮品。不过，无我哋嘅心水选项，所以，都喺晌番主餐厅落手。
其实主餐牌嘅嘢都唔喺贵，一般而言，五、六十都已有交易，同样，包是日例汤或热饮，加钱转其他饮品，亦提供好多加配优惠。但喺，选择就多好多，例如一系列招牌太子鹅油捞面、全日早餐、炯记风味食品、烧味系列、香滑炒蛋饭餐、咖喱饭餐、特色牛角包、多款小食……等等，部份食物更有图片作参考。
饮品方面，茶记惯见嘅自然都有，另外，就有唔少特饮，有啲款式都几有卖点，值得补少少钱试试。由于餐厅都以茶记模式经营，所以，唔收加一服务费，就算喺咁，店员嘅服务都好唔错，上菜亦快。
清汤牛魔王捞面 $60我哋目标一致，都喺鹅油捞面，而表哥就拣咗牛魔王，即喺牛腩配牛肚，虽然我哋各自叫，但𩠌料都「些牙」嚟食。两者都煮得唔错，牛腩炆得好松化，而牛肚爽腍，表哥都赞唔错。
番石榴四季春乌龙茶 +$10见改配特饮都喺加$10，加上呢一款冻饮配搭几特别，所以，就试试佢。佢话入口确有茶香，带微微番石榴酸香，感觉清爽，又唔太甜，夏天饮，搭鹅油捞面几衬。
秘制酱皇猪手捞面 $56小弟就拣酱皇猪手，因为近来猪手较少食，除咗猪手，个餐仲伴有一小碟蒜香黑木耳，入口非常爽脆，而猪手炆得极之入味，可谓火候十足，皮下骨胶原强劲，咬落有少少啜口感。鹅油捞面算喺第二次食，虽叫鹅油，但食落唔会「油淋淋」，反而，喺有份油香，「脂」味无穷，仲有，啲面量超多。
秘制酱皇猪手捞面
$56
25 浏览
0 赞好
0 留言
黑糖红豆奶茶 +$10黑糖、奶茶、红豆冰都喺心水嘢，三者放埋一齐，真喺无乜理由唔嗌。饮落，茶味OK嘅，亦饮到阵阵黑糖嘅清甜，红豆比较细粒，幸而都煮得几绵，唯一挑剔喺整体有少少偏甜啫。
两老表食吓嘢，吹吓水，尤其早排疫情咁严峻，一大班亲友都无乜机会见面，今餐简简单单，食得悠然自得。
张贴
