泰國婆

营业中

休息中

同老公约朋友去呢间新开泰国菜，价钱合理食物份量ok质素又有意外惊喜。香茅鸡翼（4只）甘香脆口，「泰」好味。泰式烧猪颈肉软滑，爽口弹牙，香口又惹味，食完一件又一件，难以抗拒。泰式南京椰汁鸡汤我一向怕饮鸡汤，觉得好肥腻，意外地鸡汤浓郁唔算肥又好香椰汁味，好饮又滋润。泰式凤瓜沙律口感爽脆，味道酸辣，非常开胃。泰式海南鸡饭鸡肉肥美，超嫩滑，食出鸡味。凤尾虾炒金边粉金边粉炒得够镬气，味道酸甜开胃，金边粉软硬度适中。泰式船汤河（牛肉片＋牛丸5粒+炸猪皮）汤底颇浓，牛丸弹牙。泰式菠萝创冰朋友赞好好饮，下次要试。黑糖龙眼冰（少冰）好多龙眼，清凉又解腻。泰式街头椰子粟米雪糕朋友话呢个甜品系必食，果然冇介绍错。椰子味好浓，里面有椰子肉，粟米，味道好夹，甜度适中，食完煎炸浓味嘢，食返呢个啱啱好，好清新。