影片
更多
2021-03-06
1511 浏览
甜柚鲜虾沙律洋葱丝，红萝卜丝，芽菜，椰菜，番茄仔，清甜嘅柚子，鲜甜爽口嘅虾肉，加埋酸酸哋嘅酱汁，好fresh好开胃。泰式烧牛仔骨外表烧到焦香，7至8成熟食落唔会太韧太老，又不失筋肉嘅嚼劲，均匀嘅肉质牛肉嘅原味出晒嚟。配埋秘制嘅酱汁食，仲有自家菜园种嘅小茴香，味道更丰富。椒盐魔鬼鱼炸到劲香脆嘅外皮，满满椒盐香味，上面铺满三色椒，一齐食冇咁油腻，雪白鲜味嘅鱼肉，连鱼骨都脆到食得。两种秘制酱汁，一种青椒一种红椒，青椒偏辣，红椒偏酸，适应唔同口味嘅人。马拉盏炒通菜菜质好嫩好爽脆，马拉盏酱惹味，同通菜真系最佳配搭。斑兰黄咖喱猪+薄饼黄咖喱味道唔太浓，偏甜，加埋洋葱青椒就更清新。猪肉好嫩好入味，反而斑兰味就唔系太出。值得一赞嘅系薄饼，上枱热辣辣嘅时候外皮香脆，里面烟韧，就算冻咗都仲keep到。泰式炸蚝香脆嘅外皮包住大大只热辣辣又鲜甜嘅蚝，蘸秘制酱汁用自家菜园种嘅生菜包住食，清爽鲜味。薄荷叶青柠梳打薄荷叶都系自家种，好香，够汽够酸，解腻一流。椰青鲜甜，解辣一流
洋葱丝，红萝卜丝，芽菜，椰菜，番茄仔，清甜嘅柚子，鲜甜爽口嘅虾肉，加埋酸酸哋嘅酱汁，好fresh好开胃。
泰式烧牛仔骨
外表烧到焦香，7至8成熟食落唔会太韧太老，又不失筋肉嘅嚼劲，均匀嘅肉质牛肉嘅原味出晒嚟。配埋秘制嘅酱汁食，仲有自家菜园种嘅小茴香，味道更丰富。
椒盐魔鬼鱼
炸到劲香脆嘅外皮，满满椒盐香味，上面铺满三色椒，一齐食冇咁油腻，雪白鲜味嘅鱼肉，连鱼骨都脆到食得。两种秘制酱汁，一种青椒一种红椒，青椒偏辣，红椒偏酸，适应唔同口味嘅人。
马拉盏炒通菜
菜质好嫩好爽脆，马拉盏酱惹味，同通菜真系最佳配搭。
斑兰黄咖喱猪+薄饼
黄咖喱味道唔太浓，偏甜，加埋洋葱青椒就更清新。猪肉好嫩好入味，反而斑兰味就唔系太出。值得一赞嘅系薄饼，上枱热辣辣嘅时候外皮香脆，里面烟韧，就算冻咗都仲keep到。
泰式炸蚝
香脆嘅外皮包住大大只热辣辣又鲜甜嘅蚝，蘸秘制酱汁用自家菜园种嘅生菜包住食，清爽鲜味。
薄荷叶青柠梳打
薄荷叶都系自家种，好香，够汽够酸，解腻一流。
椰青
鲜甜，解辣一流
张贴
