享慢煮泰 (已結業)

去到坚尼地城同朋友聚餐，之前食过一间泰式Fusion菜—Lemon Grass觉得环境不错，又好食又抵食，所以向朋友提议嚟依度食晚饭。个Set Dinner Menu真系估唔到咁抵食，$298已经包括Welcome Drink，我拣咗有酒精嘅drink系Prosecco🥂有头盘、烧物、主菜，仲有甜品，真系好抵食呀！冬荫龙虾汤流心牛角包————————————个牛角包🥐刚出炉嘅感觉，一切落去好脆，一层一层好松化，流出冬荫龙虾汤，非常特别，有冬荫功嘅酸辣味道，又好香龙虾汤味，又几夹㖞，配埋牛角包食，劲滋味。慢煮和牛面颊 配玛莎文咖喱————————————和牛面颊煮到好淋身，一啲都唔韧，令到咖喱好入味，肉嘅份量都好多。马莎文咖喱非常浓郁，微微辣，有椰奶香味，都几Creamy，配饭好正🍛烧香草黑毛猪肋骨————————————以甜甜蜜蜜嘅毛猪肋骨，够味，大大条骨都唔少肉架🤤以蕃薯条做配菜好正呀，好香甜薯味👍🏼招牌龙虾汁蟹肉伊面————————————浓稠嘅龙虾汁真系充满龙虾香气🦞好浓郁呀，蟹肉份量都唔少，同伊面又好夹㖞，因为伊面好挂汁呀，啖啖精华👍🏼泰式奶茶流心牛角包————————————