影片
更多
2022-07-25
2521 浏览
近排香港持续酷热，34°C、35°C等闲事，老友话行山就顶唔顺，所以，改改踩单车，由太和沿吐露港踩到出大围，再原路返，好彩今日又几够海风，整体感觉都几唔错。最后，摆番好啲车之后，就两支公由老死带路到附近嘅「木船泰国粉面专门」食埋嘢先散。店名叫得「木船」，点都有啲相关元素，当踏进餐厅，就彷如入到一艘大木船嘅内笼，一排排横梁就好似啲船骨咁，而整间餐厅都以木系为主，做得都算有心思。此外，仲有好多跟船有关嘅装饰，可以讲喺有唔少打卡位，餐厅尾嘅壁画亦画的好靓，绝对跟餐厅名好贴切。我哋就接近旁晚嚟，加上稍后直接返小组，所以，呢餐喺下午茶，又喺晚餐。翻一翻餐牌，都有几多选择，散点、定食都有，款式好地道，当然，下午茶仲可能赶到尾班车。餐枱一旁就放好晒餐具、基本调味料，招呼亦好唔错，虽然话用餐时间45min，但由于此刻客人唔多，所以，任我哋坐，仲执好张枱面叫我哋慢慢叹埋杯冻饮添。汁烧黑豚肩饭 $88呢个喺额外一贡餐牌，唔知喺咪啲期间限定，但睇落好有睇头，加上黑豚肩，似喺未食过，加大咗吸引力。果然，送到上枱「肩」喺大份，啲黑豚肩肉堆到成碗面都喺，此外，配温泉蛋、青木瓜沙律（睇餐牌我以为喺拣其中一款咋）搭冬
店名叫得「木船」，点都有啲相关元素，当踏进餐厅，就彷如入到一艘大木船嘅内笼，一排排横梁就好似啲船骨咁，而整间餐厅都以木系为主，做得都算有心思。
此外，仲有好多跟船有关嘅装饰，可以讲喺有唔少打卡位，餐厅尾嘅壁画亦画的好靓，绝对跟餐厅名好贴切。
我哋就接近旁晚嚟，加上稍后直接返小组，所以，呢餐喺下午茶，又喺晚餐。翻一翻餐牌，都有几多选择，散点、定食都有，款式好地道，当然，下午茶仲可能赶到尾班车。
餐枱一旁就放好晒餐具、基本调味料，招呼亦好唔错，虽然话用餐时间45min，但由于此刻客人唔多，所以，任我哋坐，仲执好张枱面叫我哋慢慢叹埋杯冻饮添。
汁烧黑豚肩饭 $88呢个喺额外一贡餐牌，唔知喺咪啲期间限定，但睇落好有睇头，加上黑豚肩，似喺未食过，加大咗吸引力。果然，送到上枱「肩」喺大份，啲黑豚肩肉堆到成碗面都喺，此外，配温泉蛋、青木瓜沙律（睇餐牌我以为喺拣其中一款咋）搭冬阴功汤，而饮品需另外加钱加配。
汁烧黑豚肩饭
$88
7 浏览
0 赞好
0 留言
由于啲黑豚好浓味，青木瓜沙律喺再好嘅搭配，啲青木瓜味道酸爽，清凉又有咬口，一啖豚肉，一口青木瓜清清味蕾，真喺几过瘾。
温泉蛋就藏晌豚肉之下，做得唔比啲拉面店差，加埋本身嘅酱油，拌饭一流；而豚肩肉薄切盐烧，有种焦香感，口感软腍有肉香，非常好食。
自制龙眼冰 +$10去食泰国菜，都几多时拣龙眼冰，算喺几情有独钟。哗哗哗！不过呢度啲龙眼真喺俾得慷慨，堆到杯面成座小山，而食得出啲龙眼唔喺罐头货，由种纯甜嘅味道，加上糖水部份亦无死甜嘅问题。
海南鸡冬阴功汤粉 $78老友话以前成日嚟食早餐，因为有吸印花，5送1，无咗呢个推广就嚟少咗，但佢都好钟意食呢度啲冬阴功汤粉，话又抵食，又有水准，绝无欺场。睇到成品登场，果真所言非虚，唔止汤粉超大碗，海南鸡嘅份量亦一大碟，再伴有3款泰式小食，包埋基本餐饮，点可以话唔抵吖。
海南鸡冬阴功汤粉
$78
27 浏览
0 赞好
0 留言
啲海南鸡做得一啲都唔马虎，照样伴有3色酱，而佐以唔少泡菜，酸爽好食。小弟都有试咗件鸡，确喺唔错，鸡件皮薄肉滑，脂肪少，沾上甜甜哋嘅黑酱油就特别好食。老友仲话啲河粉好滑溜，多到好似食极都食唔完咁，个冬阴功汤好正，保持水准。
冻咖啡 +$5唔喺老友讲都唔知，原来呢度啲咖啡冲得有一手，用上几度地方嘅咖啡豆，冲出嚟嘅咖啡集醇厚、幽香，有回甘嘅感觉，虽然唔喺我饮，但听老友分享都觉得杯咖啡掂呀！
食完个餐真喺醒神晒，多谢老友嘅推介，如果俾我，就晌番太和个商场食就算，唔会专登行过嚟。
张贴
