影片
更多
2022-09-08
1718 浏览
今晚屋企无饭开，捉咗个老友陪小弟食番餐，两个麻甩佬，都喺去茶记「浪漫」吓，之不过，老友对食都颇有要求，唔喺「求求其其」一间茶记佢都OK，想喺有啲特色，或有啲卖点，我话尖沙咀嘅「深仔记」啦，前「澳牛」大厨坐镇，出名喺啲炒滑蛋，又有煲仔饭、怀旧铁板餐。 餐厅嘅环境都几大、几阔落，一室木系装修衬番木地板，天花又加「绿化」，装修摩登得嚟带点小清新。我哋刚好遇到有客离开，可以挜到个窗口卡位，啲卡位非常宽敞，虽然外面只喺街景，「夜妈妈」亦无嘢好睇，但胜在感觉会开扬啲。 虽然室内嘅装修无咩大玩怀旧元素，但门口传统造型嘅霓虹招牌，同啲旧式铁皮拉闸，都喺茶记嘅标志，依家呢类嘢已卖少见少，过多十年八载，可能要晌啲片先睇得番。 而枱面只放咗少少调味料，各样餐具就如大多数茶记咁，放晒晌侧旁嘅拉柜中，自由取用，唔使烦住啲侍应，呢啲都成为茶记嘅指定设定。 一如茶记特色，食物选择包罗万有，早餐、下午茶餐、常餐、汤粉面、炒粉面、秘制咖喱、家常小菜、招牌葱花滑蛋饭系列、铁板餐……等等，专登扫描张外卖纸，就一目了然。 此外，仲有是日靓快餐，夹晌餐牌嘅第一页，有晒日期，明显就喺个个星期都会转款嘅午餐同晚餐选项，包是日例汤及
餐厅嘅环境都几大、几阔落，一室木系装修衬番木地板，天花又加「绿化」，装修摩登得嚟带点小清新。我哋刚好遇到有客离开，可以挜到个窗口卡位，啲卡位非常宽敞，虽然外面只喺街景，「夜妈妈」亦无嘢好睇，但胜在感觉会开扬啲。
虽然室内嘅装修无咩大玩怀旧元素，但门口传统造型嘅霓虹招牌，同啲旧式铁皮拉闸，都喺茶记嘅标志，依家呢类嘢已卖少见少，过多十年八载，可能要晌啲片先睇得番。
而枱面只放咗少少调味料，各样餐具就如大多数茶记咁，放晒晌侧旁嘅拉柜中，自由取用，唔使烦住啲侍应，呢啲都成为茶记嘅指定设定。
一如茶记特色，食物选择包罗万有，早餐、下午茶餐、常餐、汤粉面、炒粉面、秘制咖喱、家常小菜、招牌葱花滑蛋饭系列、铁板餐……等等，专登扫描张外卖纸，就一目了然。
此外，仲有是日靓快餐，夹晌餐牌嘅第一页，有晒日期，明显就喺个个星期都会转款嘅午餐同晚餐选项，包是日例汤及基本餐饮，目测喺唔少客人嘅心水。
另外，餐牌最底一页，亦夹有似乎只有亚士厘道分先有嘅煲仔饭系列，跟是日例汤，饮品就需另外加钱，但定价都算抵。
除餐牌上列出嘅特饮之外，晌枱面，仲有啲夏日推介嘅特饮，好本土，亦可以跟餐加配。
招牌葱花滑蛋三拼饭 $60双拼同三拼一样价钱，无乜理由唔拣三拼，三拼有齐虾仁、叉烧、牛肉，啱晒贪心嘅人。整碟饭好大堆头，睇都睇到份量有几足，𩠌料有几多，淋上豉油，绝无欺场。虾仁好鲜爽，叉烧松化，牛肉软腍，炒蛋满有蛋香，唯一挑剔位喺炒得有丁点过火，部份滑，部份已经变成煎蛋皮咁，但整体仍然好食。
美国肉眼牛扒铁板餐 $88老友话想怀旧吓，就拣咗铁板餐，另一个原因喺，有特色忌廉汤，有扒锯，都喺卖$88，感觉好抵。的确，份扒餐坚抵，先讲个汤，就算喺素翅，但加埋啲鲍鱼丝，一定比普通嘅「白汤」高档次啲啦；再睇份扒，无10oz，咁大件都一定足8oz啦，煎得外层焦脆，肉质软腍，既有肉香，又富肉汁，配黑椒汁，好惹味；仲有惊喜位喺扒蕃茄仲要加芝士，连皮嘅薯角炸得香脆不腻，够晒诚意。
热奶茶、冻柠宾 +$8小弟嚟茶记十居其九都拣热奶茶，因为喺稳胆之选，呢度嘅热奶茶都算冲得错，茶底够厚，够芳香，茶奶比例亦啱啱好，只喺个人口味就觉得未到最丝滑而已。老友食扒，就想配杯冻饮，特饮都喺加$8，所以，拣冻柠宾，佢就话都喺冻饮一杯啰，算唔上叫有特特别，但酸酸甜甜，配扒、配薯角就几好。
其实，煲仔饭我都想试，不过，近日天气又热番，未喺食煲仔饭嘅感觉，留番迟啲秋凉再冻啲，咁就衬晒。整体而言，地方大，环境好，招呼到位，菜式选择多，又有啲卖点，值得回访。
张贴
