金滿庭京川滬菜館 (荷里活廣場)

营业中

休息中

舖名真系冇改错，平日晚市都轻易爆场。准5:30就去揿飞仔，6点零几分即入，6:30已99%满。所以去呢间嘢需要有部署。茶水够热，用嚟洗碗隔住碗都非常烫手。本身啲碗筷碟筷托都好干净，只系条件反射循例洗吓。唔知点解叫傻佬炒饭，与猪肉、虾🦐干、虾仁、蛋、葱同炒，但见有堆肉松洒喺炒饭面，炒得尚算干身，捞埋肉松一齐食先明白应该系想用啲甜甜地嘅肉松嚟吊吓炒饭啲咸。上次食过嘅京烧羊腩今次翻叮，可能系煎香油爆过嘅关系，有羊味得嚟唔劲膻，外皮脆内肉腍，再点埋孜然粉，又似啲新疆羊肉串咁惹味。小笼包都系爆到汁，不过唔算烫口𠮶只，味道未至于难忘，沦为配角。留意晚市第一轮枱系6-8点，7:45就要埋单，第二轮8点后。