影片
更多
2009-07-01
36 浏览
星期六冇野做全家总动员去左接小鸡放工，点知人地一D都唔领情。继上一次去左生昌，今次又决定去西环的德记继续我地的「潮圣」之旅。由金钟慢慢坐叮叮落去西环，很优哉游哉呢。德记以前就系隔离街，个招牌仲大大个未拆的。新舖就系西宝城的对面，环境完全违反左一般潮州餐厅，好光鲜好干净。因为当晚落雨，知客们系会叫D客人套上个遮套，以免个地下太湿。入面不但干净，所有野都睇落好新，又够光猛，似系D连锁酒楼既格局多D。小鸡听闻依度既蚝饼同川椒鸡都好食，于是叫左。四个人再叫左三个𩠌︰潮州炒鱼面、榄菜肉碎爽炒凉瓜同卤鹅片。川椒鸡系非常出色的一味。鸡肉嫩滑，有微微的黑椒味又炒得香。好多地方的川椒鸡往往都炒得好油，川椒叶系更加一口咬落去都油都「必」晒出来，都依冇咁既情况。蚝饼又系冇介绍错，一客有厚厚的两大块。厚厚的又炸得非常松脆，蚝仔又多又鲜甜。小弟钟意较厚的，所以食到停唔到。鹅片都几好食，并唔系食友们讲到咁鞋口，几入味，不错的。但系最后的两个𩠌就较失色了。潮州炒鱼面基本上系切面条状的鱼片头拎去同韭菜芽菜等等炒，鱼面谈不上弹牙，而且整碟野好淡口，一D味都冇。榄菜肉碎爽炒凉瓜的凉瓜的确几爽口但苦到不行，榄菜睇落好多但唔
德记以前就系隔离街，个招牌仲大大个未拆的。新舖就系西宝城的对面，环境完全违反左一般潮州餐厅，好光鲜好干净。因为当晚落雨，知客们系会叫D客人套上个遮套，以免个地下太湿。入面不但干净，所有野都睇落好新，又够光猛，似系D连锁酒楼既格局多D。
小鸡听闻依度既蚝饼同川椒鸡都好食，于是叫左。四个人再叫左三个𩠌︰潮州炒鱼面、榄菜肉碎爽炒凉瓜同卤鹅片。
川椒鸡系非常出色的一味。鸡肉嫩滑，有微微的黑椒味又炒得香。好多地方的川椒鸡往往都炒得好油，川椒叶系更加一口咬落去都油都「必」晒出来，都依冇咁既情况。蚝饼又系冇介绍错，一客有厚厚的两大块。厚厚的又炸得非常松脆，蚝仔又多又鲜甜。小弟钟意较厚的，所以食到停唔到。
鹅片都几好食，并唔系食友们讲到咁鞋口，几入味，不错的。但系最后的两个𩠌就较失色了。潮州炒鱼面基本上系切面条状的鱼片头拎去同韭菜芽菜等等炒，鱼面谈不上弹牙，而且整碟野好淡口，一D味都冇。榄菜肉碎爽炒凉瓜的凉瓜的确几爽口但苦到不行，榄菜睇落好多但唔香，亦都盖不过苦味。锅气是有的，但材料唔好都冇咩用，本来仲期待著用榄菜肉碎送粥呢。
除左𩠌菜之外，依度的粥饭都好好食，我地四个人叫左五个𩠌（不过依度D𩠌除左个蚝饼外唔算太大碟），但都食左两碗饭四碗粥。虽然仍有改善空间，但算系各方面都做得几好的潮州菜馆，只系对我来说唔方便去D。
张贴
