熊小館

营业中

休息中

公司系magabox附近，我同一班同事几乎食匀magabox既餐厅，之前疫情关系我叫过熊小馆既外卖，相当抵食。今日决定试下熊小馆既堂食，睇下有冇惊喜先！熊小馆位于megabox既11楼，餐厅面积相当大，另外到处都见到熊公仔，门口甚至摆放两个人形熊公仔，不过我地两个男仔无乜感觉🤣相信细路仔嚟到应该双眼发光✨餐厅推出二人套餐，只系$298。首先餐汤系忌廉汤配蒜蓉包。忌廉汤入面有鸡丝，至于蒜蓉包几香。前菜可以三选一，我哋拣咗法式蛋黄酱焗鲜芦笋，芦笋嘅爽脆加上酸酸甜甜嘅蛋黄酱，配搭一流，而且几开胃。主菜有美国安格斯牛肩扒，牛味香浓，不过有少少筋，比较难咀嚼。薯条系我钟意嘅厚度，配菜仲有粟米、蕃茄同老是常出现嘅露笋，非常丰富。卡邦尼烟肉扁意粉酱汁唔算太香滑，不过意粉软硬程度刚刚好，烟肉嘅份量几多唔吝啬。甜品方面，今日精选甜品系雪糕一球，朋友加咗$18转做心太软😍餐厅云云特饮之中，我拣咗红豆Pop Pop，比起一般红豆冰不同嘅地方在于多一份焦糖香味，甜上加甜。虽然食完今餐要返公司OT，不过见到餐厅咁多得意嘅熊公仔🧸，我心情都变得冇咁难过。而且今餐都冇令我失望，性价比几高。