皇玥

营业中

休息中

记得之前公公婆婆话皇玥嘅蛋卷几好食, 今日收工去左荷里活广场拎护肤品, 经过皇玥就打算入去买两盒蛋卷, 点知比小妹见到已经有月饼卖😱😱 月饼款式好多, 有流心抹茶, 流心芝麻, 流心姜汁, 流心榴梿月饼, 流心奶皇, 花胶奶皇月等等, 小妹最后就拣左盒有两款口味嘅月饼带番去比屋企人试下!! 🌟流心抹茶月饼绿茶饀用左上等抺茶制做, 一切开就闻到淡淡嘅绿茶清香, 食落饼皮酥脆, 入面嘅饀口感绵密唔浆口, 甜度适中!🌟流心奶皇月饼小妹拎左月饼叮左黄金20秒, 拎出嚟已经闻到好香牛油味, 一切开奶黄同咸蛋黄嘅香味就会散发出嚟,流心蛋黄随即爆出, 食落咸咸香香, 甜而不腻!