牛大人台灣火鍋吃到飽 (荷李活商業中心)

营业中

休息中

今日终于去左试高人气台式火锅店”牛大人”，简左每位HK$198(要加一）既澳洲和牛餐，汤底要左牛骨汤，劲香牛肉味，仲有好多香料，有少少麻辣味，但又唔会太辣，个汤底好够味！一开始就叫左几旧牛筋慢慢闵下先，重头戏就梗系「澳洲和牛M5牛肩卷」，值得赞既系每次点几多份和牛都真系会比足晒，仲唔会拖时间，员工态度友善，上菜既时候会讲返系咩火锅料，令我地知道自己试更咩野。澳洲和牛只需要轻轻涮一涮就可以食了，肉质好鲜嫩，无雪味，肥膏比例少，有质素！特级安格斯牛就比较瘦身，似平时食牛肉乌冬会落个种牛肉。西班牙黑豚都好食，可见牛大人唔系只得牛肉正，其他野水准都好高！另外试左几件台式虾饺，台式蛋饺，瓜仔鸡水饺，牛丸，包心丸，最后食返一开始落既牛筋，已经煮到好稔，入晒味，劲有平时去食半筋牛肉面既味道，相当高质！酱料系自己调配，我觉得特别辣椒油几特别，香口得黎辣辣地，几岩我既口味。牛大人午市来说都好多选择，饮品仲可以去拎牛大人自家制冷泡茶，试左桂花鸟龙，菊花普洱都好正，无糖茶岩晒我饮！仲有牛大人自家制既豆腐雪糕，依餐食得好满足！