影片
更多
2021-06-30
5294 浏览
呢排天气好麻麻，不时劲落大雨，都唔喺好敢约啲老友行山，不过，遇正天气好转，就会同老婆即兴走一转短山，由美孚屋企起步，经钟山台、长坑村……一直上到去金山郊野公园，随心拣九龙接收水塘或者石梨贝水塘兜个圈，然后返番落美孚或荔枝角，成程大概2hrs左右，轻轻松松。今转就落咗去荔枝角，顺便揾地方食晏，结果，随随便便揾咗「米饭主题餐厅」医肚。 环境跟一般茶记无异，都喺以卡位或4人枱为主，整体嚟讲有啲逼，卡位就还好，唔太大份嘅人，啱啱好坐到4个，不过，其余啲4人枱就排得好密，基本上无乜距离，啲防疫胶板都喺做做样而已，又容许搭枱。我哋正正饭市入座，都宁愿等多阵等张卡位，唔怕一万，只怕万一啫。 我哋晌门口已先先午餐有咩拣，啱唔啱食先入去，目标就放咗晌啲蛋包饭及焗饭中。此外，其实选择都几多，两大页纸，仲有咖喱饭、日式盖饭、健康蒸饭、扒餐、石锅饭、沙律套餐……等等，都喺包基本饮品咁啦，定价就比同区其他茶记贵少许。 野菌杂菜蛋包饭（跟蒜蓉汁）$49 蛋包饭共有4款，每款都喺跟指定嘅汁，但如果转汁需要加$2， 感觉有啲掠水之嫌，因为加钱转嘅汁，都不外乎喺番啲黑椒汁、蒜蓉汁、咖喱汁， 唔喺咩更特色嘅酱汁，不过，
环境跟一般茶记无异，都喺以卡位或4人枱为主，整体嚟讲有啲逼，卡位就还好，唔太大份嘅人，啱啱好坐到4个，不过，其余啲4人枱就排得好密，基本上无乜距离，啲防疫胶板都喺做做样而已，又容许搭枱。我哋正正饭市入座，都宁愿等多阵等张卡位，唔怕一万，只怕万一啫。
我哋晌门口已先先午餐有咩拣，啱唔啱食先入去，目标就放咗晌啲蛋包饭及焗饭中。此外，其实选择都几多，两大页纸，仲有咖喱饭、日式盖饭、健康蒸饭、扒餐、石锅饭、沙律套餐……等等，都喺包基本饮品咁啦，定价就比同区其他茶记贵少许。
野菌杂菜蛋包饭（跟蒜蓉汁）$49 蛋包饭共有4款，每款都喺跟指定嘅汁，但如果转汁需要加$2， 感觉有啲掠水之嫌，因为加钱转嘅汁，都不外乎喺番啲黑椒汁、蒜蓉汁、咖喱汁， 唔喺咩更特色嘅酱汁，不过，老婆较喜欢咖喱，都照转。不过，碟饭嚟到，第一个疑问喺，加咗$2，啲汁去咗边？
原来啲咖喱汁晌啲野菌杂菜底下，差啲以为佢俾漏，而啲野菌、杂菜喺白烚，完全无味，就连丁点咸味都无；沙律部份都hea做，通常生菜嘅头都唔要，因为又硬又干，但唔嘥照俾埋个客。而饭底有揾啲茄汁炒过，但有少少湿，最好相信喺放面嘅炒滑蛋。
蜂蜜柚子荔枝蜜 +$8 老婆一向讲健康，所以，唔介意加多少少转呢一款养颜特饮，睇枱上嘅宣传，仲讲紧喺冬日推介，兼话呢款热饮有润喉、降火、排毒，前者就无庸置疑，不过，后两者就好有保留，有荔枝㖞，仲降火？成份中有边样嘢可以排毒呢？
成品上到嚟，感觉就喺一杯柚子蜜（因为见杯底有好多柚子皮）+蜂蜜嘅热饮，荔枝呢？得一粒！仲喺一睇就个罐头嘢。味道方面，咪就喺甜多少少嘅柚子蜜啰，真喺无咩特别。
王牌厚切焗猪扒饭 $53 既称为王牌，自然喺多啲期望，查实卖相睇落都几唔错，焗到有少少㶶㶶哋，几靓仔。饭底喺炒过嚟，饭粒分明，质感又爽身，猪扒就唔似「大家乐」嘅「一哥焗猪」咁，一大块厚切，而喺有几小块，亦算唔上厚切，质感OK啦；但个人觉得，个蕃茄汁底就好一般，蕃茄味唔够天然鲜活，觉得都喺以茄膏去推，浓就浓喇，但比较酸，缺少咗蕃茄本身应有嘅鲜香味。
冻奶茶 +$3 嚟茶记，平常就一定喺拣热奶茶架喇，不过，今日真喺几热，行到身水身汗，所以，要杯冻嘅，仲好快送到。冻饮果然喺爽啲，不过，杯奶茶嘅茶底香就几香，但明显喺过甜，所以，饮到一半，等啲冰再溶多啲先饮，感觉先无咁甜。
老实讲，今餐就真喺麻麻哋，最后，打算试吓用Openrice Pay俾钱，点知收银大哥话唔用得定用唔到，总之最后就用八达通啦！整体服务方面，唔多好，亦唔太差，上菜有啲啲乱，店员态度一般般。
张贴
