影片
更多
2019-09-30
1065 浏览
身为猫奴，日日对住屋企果只高高在上嘅主子，总会心丝丝想摸下其他猫猫，肉球不满嘅小妹呢日收工就丢低主子独守空房，特登黎到呢间猫猫Cafe，谂住试下偷食猫猫嘅感觉啦～之所以会拣呢间Cafe系因为见到佢有参与好多关于资助流浪猫猫嘅活动，而帮衬呢间铺头亦间接地帮助左流浪猫猫，何乐而不为呢？入到门口会有新加入猫猫嘅简介，每只都好得意呀～入到门口要先除鞋，放入指定嘅鞋柜入边，鞋柜周围都有好多猫猫嘅摆设。提提大家，如果当日冇著袜嘅话，可以喺铺头买一对，都系$5姐，仲系捐助给流浪猫嘅！Cafe地下系榻榻米黎，一入去就见到好多可爱嘅猫猫开紧餐啦！你睇下佢，用生命食紧野咁呀！～安排坐低左之后，工作人员会详尽咁介绍同解释Cafe入边嘅设施、点餐同计时。呢度头一个钟系计$68，包一杯野饮，如果叫野食嘅话就会包埋头一个钟嘅钱，之后每加一个钟$38包一杯野饮。大家要留意一下食嘢嘅注意事项～草莓香蕉班戟配蜂蜜（$118）：呢个pancake整得好精致，入面每层都有香蕉添㗎，用蜂蜜代替一般嘅朱古力酱𠮶啲，唔会太甜，配埋隔离伴碟嘅士多啤梨，香甜又唔会滞，好味！烟肉芝士牛肉汉堡配薯条（$138）：朋友原本嗌呢个餐系贪佢够
入到门口会有新加入猫猫嘅简介，每只都好得意呀～
入到门口要先除鞋，放入指定嘅鞋柜入边，鞋柜周围都有好多猫猫嘅摆设。提提大家，如果当日冇著袜嘅话，可以喺铺头买一对，都系$5姐，仲系捐助给流浪猫嘅！
Cafe地下系榻榻米黎，一入去就见到好多可爱嘅猫猫开紧餐啦！
你睇下佢，用生命食紧野咁呀！～
安排坐低左之后，工作人员会详尽咁介绍同解释Cafe入边嘅设施、点餐同计时。呢度头一个钟系计$68，包一杯野饮，如果叫野食嘅话就会包埋头一个钟嘅钱，之后每加一个钟$38包一杯野饮。
大家要留意一下食嘢嘅注意事项～
草莓香蕉班戟配蜂蜜（$118）：呢个pancake整得好精致，入面每层都有香蕉添㗎，用蜂蜜代替一般嘅朱古力酱𠮶啲，唔会太甜，配埋隔离伴碟嘅士多啤梨，香甜又唔会滞，好味！
草莓香蕉班戟配蜂蜜
$118
75 浏览
0 赞好
0 留言
草莓香蕉班戟配蜂蜜
$118
65 浏览
0 赞好
0 留言
烟肉芝士牛肉汉堡配薯条（$138）：朋友原本嗌呢个餐系贪佢够饱肚，点知最后朋友好满意呢个包。佢话虽然个样一般，但咬落去系超级无敌juicy又浓牛味，仲话比起出边餐厅食$200嘅汉堡包仲好食！我咬咗一啖的确系好唔错，强烈建议嚟呢度嘅朋友就要嗌呢个餐！薯条非油炸得黎，份量仲要好多添！
烟肉芝士牛肉汉堡配薯条
$138
15 浏览
0 赞好
0 留言
饮品: 左边系水蜜桃红茶，右边系金桔柠檬红茶，唔会太甜，唔错。杯垫超得意！
15 浏览
0 赞好
0 留言
食完就系时候去玩猫啦～呢间Cafe大部份都系唐猫，因为好多都系流浪猫嚟。但唐猫先又嗲又活泼近人呀~
另外有两只蓝猫，大家要留意呢两只蓝猫系唔俾人抱㗎，千祈唔好手多多啦～
其他唐猫全部都好得意，有只仲特登走咗去我哋隔离个柜度瞓觉添，心要融化啦～～
玩到咁上下猫猫都瞓晒觉啦～
呢度仲有个书柜入面有好多唔同嘅书俾猫奴取经～
我地最后逗留左两个钟，时间差不多，就要返去服侍主子啦～总括嚟讲呢间Cafe食物质素好高，同埋环境都好干净企理，完全冇异味。猫猫活泼得意又近人，完全唔会抢食物，环境布置充满猫猫，好治愈。推荐各位爱猫但未养到猫，养紧猫但「肉球不满」嘅朋友仔黎呢度享受可爱猫猫嘅包围～
张贴
