影片
更多
2021-04-26
3048 浏览
曾有一段时间，同一大棚死佬不时去帮衬啲任饮任食火锅店，因为，个个都好擦得，任饮任食就好围数。不过，偶尔三两个嘅死佬小饭局，就会拣啲高质素嘅火锅店叹吓，今晚到访嘅「尚膳养颜滋补锅 」亦喺以高质素为卖点。走进餐厅，原以为一眼望晒，但实际上环境都比想像中大好多，地方整洁企理。整间店都以木系为主，装修有点古雅味，部份地方以屏风作间隔，令人多少少私隐度。不过，讲到想更多私隐度，就莫过于厢房喇，店家原来设有几种厢房，有大有细，啲枱可以分开摆，疫情时守番限聚令，亦可以拍埋一齐，等疫情消失就可以坐埋一齐高兴啲，最正喺暂时无最低消费嘛。落单方面，基本上喺以二维码网上落单，既可以慢慢揿，又可以睇番落单记录，乜都清清楚楚，减少不必要误会。不过，为免部份人唔识用，或唔想用，佢哋都有实体餐牌。食火锅最紧要喺汤底同食材，佢哋主打就有呢个尚膳养颜美人锅、滋补椰子鸡锅、姜母鸭汤锅，前者就可以配其他汤底作鸳鸯汤底，食材选择亦非常之多，又可以点啲佐酒小食。不过，饮品方面就无晌真体餐牌中摆出嚟，所以，晌番佢个网上落单系统上做啲截图午大家参考吓。晌落单时见到系统中有一个「本月优惠」，可惜帮衬当日仍未开始，事后向店长查询，原来
走进餐厅，原以为一眼望晒，但实际上环境都比想像中大好多，地方整洁企理。整间店都以木系为主，装修有点古雅味，部份地方以屏风作间隔，令人多少少私隐度。
不过，讲到想更多私隐度，就莫过于厢房喇，店家原来设有几种厢房，有大有细，啲枱可以分开摆，疫情时守番限聚令，亦可以拍埋一齐，等疫情消失就可以坐埋一齐高兴啲，最正喺暂时无最低消费嘛。
落单方面，基本上喺以二维码网上落单，既可以慢慢揿，又可以睇番落单记录，乜都清清楚楚，减少不必要误会。
不过，为免部份人唔识用，或唔想用，佢哋都有实体餐牌。食火锅最紧要喺汤底同食材，佢哋主打就有呢个尚膳养颜美人锅、滋补椰子鸡锅、姜母鸭汤锅，前者就可以配其他汤底作鸳鸯汤底，食材选择亦非常之多，又可以点啲佐酒小食。
不过，饮品方面就无晌真体餐牌中摆出嚟，所以，晌番佢个网上落单系统上做啲截图午大家参考吓。
晌落单时见到系统中有一个「本月优惠」，可惜帮衬当日仍未开始，事后向店长查询，原来每个星期会有一款食材以低过半价推出大特卖，并补多句，4月尾就会推出。之但喺，店长话依家仲有做紧7折（汤底、啤酒类除外），所以，依然抵食。
除收加一股服务费，仲有一项茶芥酱料费，每位收$20，就包咗出面自助区嘅酱料（基本大路嘅酱料都有）同几款凉拌前菜（荞头、毛豆、四季豆）。兼放有一大壶特制柠檬水，点特制，咪加咗啲香叶，饮落喺有啲唔同，最啱食完晒嘢清一清口腔。
杞子圆肉菊花露 $68、汽水 $12支打边炉点可以无啲冻饮，平常任饮任食就会点汽水，不过，今次见有啲自家制嘅健康特饮，当然选后者啦。拣咗杞子圆肉菊花露，真喺满满嘅一大渣，而且，睇得到里面有唔少杞子同圆肉，绝无欺场，入口果然甜润清凉，微微菊花清香，喺最好选择。
尚膳养颜美人锅 x 酸菜白肉锅 $188最原意喺谂住美人锅搭椰子鸡锅，可惜，椰子鸡锅同姜母鸭锅因为喺不作配搭为鸳鸯锅，所以，拣咗配酸菜白肉锅，不过，错有错着，感觉选呢个仲好，等阵再讲。佢哋嘅汤锅好大份，而且，坚足料。店员教路，佢哋啲汤底唔喺用嚟打边炉咁简单，个汤本身已喺一锅靓汤，所以，先试试啲汤，而之后加番嘅喺专用汤水，并非就咁加水咁行货。
尚膳养颜美人锅 x 酸菜白肉锅
$188
25 浏览
0 赞好
0 留言
睇得见嘅竹丝鸡已经喺大大只，而汤内仲有好多药材，如红枣、杞子、圆肉、党参，捞两捞，更有好多桃胶，点唔滋补养颜吖。个汤饮落真喺好滋味，鲜甜浓香却唔浊气，又唔会有太大朕药材味，恰到好处。
酸菜白肉汤呢一个汤就跟养颜美人汤好唔同，有一股清新嘅酸香，嗒落酸酸哋，却有一种醒胃感，好清爽，个人觉得亦好饮。更唔好错过啲酸菜同白肉，虽然啲白肉睇落好似好肥，但一来切得好薄，二来带点酸菜嘅酸香，而且，汤内仲有好多宽粉面，真喺连面食类都可以悭番。
上文讲到拣酸菜白肉锅喺明智之选，就喺因为呢个锅内本身已有好多酸菜同薄切腩肉，与此同时，更奉送多一客酸菜白肉，所以，完全可以悭番唔需要点猪肉类及蔬菜类嘅火锅料，当然，你想试其他猪肉类产品就另议。
手切牛肉（细）$188同枱唔喺好多食肉兽，加上两个锅底，有鸡肉、猪肉，所以，就点一客手切牛肉。啲牛肉真喺靓牛嚟，色泽红润无话瘀瘀哑哑，油花都好靓、好平均，并且切得厚薄一致、适中。
牛肉一向都唔使灼得太耐，轻灼十多、廿秒已OK，入口口感非常腍滑，既有肉香，又有油香，平衡而好食，正呀喂！
三色滑拼 $128自家制手打滑有墨鱼滑、虾滑、鲮鱼滑，喜欢手打滑嘅客人最好就嗌三拼啦，一次过试晒三款。三款手打滑都搓到大大球，放上葱花、蟹籽、芫荽做点装饰，外观几亮丽。
三色滑拼
$128
6 浏览
0 赞好
0 留言
炸鱼皮 $48点炸鱼皮既可以当餐前小食又得，又可以用嚟当火锅料。就咁食，酥脆惹味，如果饮啤酒嘅客人，用嚟配啤酒更喺天作之合；放汤轻轻灼一灼，软腍，却喺另一番风味。
炸鱼皮
$48
2 浏览
0 赞好
0 留言
所以，一口气试咗蛏子皇、大元贝、桂花蚌，收得咁嘅价钱，真喺无欺场，净喺睇啲呎吋已好够十足，加上啲色泽光亮，新鲜度爆灯。后尾问我哋意见时，先知啲海鲜喺当日晌街市买嘅拣手货，因为依家疫情生意唔稳定，唔敢订太多，都喺睇当日嘅订枱量先到街市预多少，所以，店长话保证新鲜生猛。
桂花蚌
9 浏览
0 赞好
0 留言
大元贝、 蛏子皇
4 浏览
0 赞好
0 留言
唔讲得少啲，蚌有成只手掌咁大，而且，因为客唔多，全程蒸海鲜有靓姐帮手搞，有晒计时器计住。最贴心喺啲蚌起咗肉，又除掉晒啲内脏，食起嚟时超方便，蚌肉爽弹，味道鲜甜。
大元贝 $48/只唔知阿姐喺咪见我瘦底，留只「好嘢」俾我，虽然我未有胆固醇高嘅问题，但都唔会食得太过火。然而，啲元贝肉同样好弹牙，好好味。
蛏子皇 $58/只足半呎长嘅蛏子皇当然好有睇头，同样起咗肉，方便食用，又加咗好多蒜蓉，却冚唔过蛏子嘅鲜甜味，当然，底下嘅粉丝吸收晒啲海鲜嘅咸鲜味，唔可以错过啦。
生果盘（免费）其实食完两个锅底都半饱，加埋啲手切牛肉、手打滑、3款蒸海鲜，真喺好饱吓。临尾仲送份生果盘嚟，好窝心，而且，唔喺几粒橙、苹果，喺有蜜桃、菠萝、蜜瓜同橙，真喺好有诚意，中间仲有粒干生果嘅朱古力，绝对喺讨晒客人欢心。
食咗成晚，所试嘅食物，无论锅底，抑或食材，都可以讲甚具质素。而服务方便，亦好熨贴，不时帮我哋啲汤底撇走汤面啲杂质，又不时帮忙加汤；食蒸海鲜时，更喺食一款海鲜，换一次餐碟，真喺有种宾至如归嘅感觉。
张贴
