西苑酒家 (太古城中心)

营业中

休息中

母亲节「探」完母亲，顺便去太古城饮茶，唔系好识呢度，问咗服务台，决定去「西苑」，此终系节日，等位真系在所难免，7个号码等咗40分钟～gogogo.拣咗～鲍汁荷叶饭～凤爪～牛肉～虾肠粉～金钱肚～炸韮菜角。Part 1- 等咗十五分钟，出场嘅系～荷叶饭同炸韮菜角-荷叶饭打开其实都系炒饭用荷叶去包装，不过不失，但又无荷叶嘅味。反而韮菜角入面好多料，除咗主角韮菜，仲有几「旧」仔虾仁同小小猪肉。Part2-系食完以上，等到我以为漏单，成廿分钟至到，当然你哋会话因为节日，但我觉得佢哋又无忙到好夸张咁，正常星期日忙吧，返正题，出场系虾肠粉同牛肉，肠粉皮「幼嫩滑口」，虾亦都大只爽口，牛肉佢哋写住100%纯牛肉，但真系无惊喜同特别。Part 3再等多成十分钟至至，牛肚同凤爪，正常味道。叫埋单又等咗十分钟，俾咭又等多五分钟。「旧式」～系咪=浪费时间，其实依家大多茶楼都叫客出去埋单，等嚟等去其实系咪浪费晒大家嘅时间？点心又出得慢，如果所有嘢都「现代」啲，大家系咪可以悭好多时间，你哋又可以做多几转枱，都唔知管理层点「计数」。再讲～你哋啲点心都已经唔系平！依家仲边有酒楼放花生架？硬收$12。结论：食材系新鲜，出