樂湯雞麵館 (庇利金街) (裝修中)

打风后既天气特别唔稳定，小编收工去到佐敦揾食个阵都俾突如其来既大雨搅到狼狈，响佐敦站附近突然见到呢间以鸡汤为名既店舖，咁就梗系借机会试下先啦。既然都咁大雨既情况下，无理由要俾自己做「落」汤鸡嘛!入到去坐下后，店员未响小编睇餐单个阵就已经好主动咁介绍佢地拿手既鲍参翅肚餐! 明明系黎饮鸡汤但店员会咁样介绍，虽然要$168但都有4款食物下都试下先!鲍参翅肚餐包括金汤花胶翅﹑海味一品煲﹑太白醉鸡﹑鲍汁海味饭 (经小编问过后金汤其实都系鸡汤既成份但会更浓更香)。由于小编唔太喜好醉鸡关系，经苦苦既求情后，店员都肯为小编换上左口水鸡。金汤花胶翅：汤内会有几件花胶以及群翅碎，食落去花胶都煮得非常软身；而金汤上面都提及因为都系以鸡汤为基础，非常浓香，一边食饭一边饮汤都系唔错既享受。海味一品煲：一品煲内有海参﹑鲍鱼﹑花菇﹑瑶柱及花胶。全部都煮得好入味，食落去除左鲍鱼同花菇外都几软身，质感唔错 (起码小编唔会觉得佢求其俾下等货我)。口水鸡：口水鸡属于小辣而麻味香既，鸡既肉质几弹身，唔怪之得间铺头会以鸡作为重点。鲍汁海味饭：海味饭最主要都系用瑶柱及冬菇为主，有少少类似荷叶饭既感觉，味道可能因为鲍汁关系，配合海