第一蠔粉麵 (已結業)

喺太子旺角附近行完街，个肚饿饿地就开始四围揾下有咩好嘢食。👀行到嚟太子站B出口附近就见到一间名为「第一蚝粉面」嘅食肆。见到佢咁霸气嘅店名，又觉得食蚝嘅米线铺比较少见，就一于入去帮衬一下！😈坐底咗之后睇下个餐牌，有一系列以蚝作为卖点嘅米线，决定同朋友点左金蚝同鲜蚝米线各一碗，另外再追加个香脆蚝饼试一试！😎鲜蚝配上为米线调味嘅葱花芫茜的确系几夹，带出到鲜蚝嘅鲜甜清香！另一碗嘅金蚝米线又系另一种嘅美味，生晒过嘅金蚝经过轻轻煎过，就更加香口，个人更钟意金蚝米线！😋👍🏼接落嚟试埋个蚝饼！平时喺大排档食过蚝饼，普遍炸粉占蚝饼嘅大部分，而又会用少量蚝仔甚至蚝碎混入蚝饼之中，加埋用大量油炸蚝饼，所以油抑味好重，食完会觉得好热气！😖但今次叫嘅蚝饼，蚝嘅数量充足，绝无以炸粉欺场！🙌🏼炸出嚟嘅蚝饼金黄色唔易散，食落唔会有好嘅油抑味，唔会觉得热气！真系要赞一赞！👏🏼店铺嘅铺面唔算好大，繁忙时段未必可以坐到好多台客🙊所以店铺都有做好多外卖嘅生意。店员大多都好有礼貌，值得一赞。想试蚝米线嘅朋友，可以试下E间「第一蚝米线」。👍🏼