詠藜園四川擔擔麵

营业中

休息中

由于搬屋仲有大量杂物未执好，放假都要叫埋男友帮手，当然要同佢去食番d好野，慰劳下佢啦 ~~ 是日我地去左「咏藜园」食驰名担担面! 担担面 : 我食唔辣，男友食辣，两只味都食晒, 正!! 招牌担担面花生香浓肉松惹味，面条爽口，果然系正宗手打面。而辣既担担面味道更抢口，岩晒无辣不欢既男友。 小笼包 : 一睇就知皮劲簿，筷子夹大力d都流晒d汤汁，肉汁鲜甜，每人两个都唔够喉呀 ~~ 火腿娃娃菜 : 火腿甘香，唔会一味得咸味，娃娃菜够晒甜，岩晒我地呢d OL。咕噜肉 : 甜酸汁味道岩岩好，咕噜炸到外脆内嫩，咬落仲系JUICY。咕噜肉用左腩肉黎做，肥瘦肉相间完全无骨，岩晒我呢个懒鬼。 豆沙锅饼 : 都话女仔有两个胃，虽然已经饱饱地，但都要叫埋个甜品先叫画上完满既句号。豆沙锅饼热辣辣送到，豆沙馅料够多，就算角落果四件都爆晒豆沙，豆沙唔太甜，连我男友都帮手食左几件。