阿荔車仔麵

营业中

休息中

🍜 自选两𩠌特浓沙嗲沾面沾面底有出前一丁或手工拉面选择，小编当然谂都唔谂就拣左手工拉面啦。🙌沾面汤底就好似日本拉面咁，上台面同汤底会分成两碗，汤头杰身带阵阵浓郁沙嗲味，食落唔咸反而突出到沙嗲香味，入面仲加埋粒粒花生碎，比起一般出面茶餐厅食既沙嗲牛面更加惹味。😋配料方面就拣左秘制牛筋牛肋腩、头抽蚝皇花胶扒、辣玻璃鱿鱼及日本溏心蛋。牛肋腩食落啖啖肉，牛筋炆得够腍够入味，蚝皇花胶扒成只手板咁大，咬落好腍就好似食紧啖啖骨胶原落肚咁，养颜女士必点之选阿！鱿鱼爽弹煮得刚刚好配埋秘制辣酱汁滋味阿。☺️🍜 经典车仔面净四𩠌平时唔想食面底既朋友仔叫呢个就岩哂啦，净四𩠌可以order四款，友人就叫左蚝皇花胶扒、牛柏叶、蚝皇冬菇、清甜萝卜，仲额外加多咗两款𩠌分别系潮汕牛筋丸及粒粒墨鱼丸，冬菇大大只炆得又够腍食落仲啖啖肉，萝卜食落无根且清甜，牛筋丸够弹牙，汤底方面就另外加钱转左胡椒猪肚汤底，饮落顺喉，带有少少胡椒香，整体唔错唔错。👍👍🥤 冷泡白桃乌龙茶自家制冷泡茶饮落够冰冻仲带有阵阵白桃香，钟意饮无糖饮品既朋友仔就岩哂。🥰