影片
更多
2022-12-07
1828 浏览
自姨仔搬咗入坑口，喺会少咗机会见面，但总有啲藉口走埋一齐食餐饭。之前好几次嚟D2 Place食饭，都喺夹埋姨仔嚟，今次都喺，我、老婆、姨仔，三人行，皆因贺一贺佢转新工，顺便又聚一聚。拣咗「The Pizza Pig」，因为睇过性价比唔错，尤其啲长形薄饼，都几有特色。踏入餐厅，唔止地方大，仲好高楼底，所以，空间感十分强；周围都有啲跟「猪」有关嘅摆设，配以柔和灯光，感觉几唔错。我哋被安排坐晌中间嘅卡位，非常阔落舒适，睇见咁有人气，用餐气氛都唔同啲。招呼非常好，不时帮忙添水，见有需要亦会更换餐碟，并且，侍应都好好礼貌。餐牌好美式，十分巨型，希望都影得清楚啦。睇到店名有「Pizza」一字，主打就梗喺薄饼啦，仲有汤品、沙律、小食、前菜、主菜、意大利面、意大利饭及甜品，睇见食物嘅款式，都非常之吸引。饮品类亦有非常之多选择，酒精类故然唔少啦，如生啤、支装啤、红白餐酒、汽酒、多种烈酒……等等，非酒精呢，亦多，奶昔、特饮、果汁、汽水、啡茶……等等，不过，老婆同姨仔都唔好饮嘢，小弟只点一杯果汁而已。 蕃石榴汁 $38今餐都拣咗多少少味浓嘅食物，所以，专登要杯蕃石榴汁嚟清吓味蕾，饮落酸酸甜甜，确喺几清爽，唔
踏入餐厅，唔止地方大，仲好高楼底，所以，空间感十分强；周围都有啲跟「猪」有关嘅摆设，配以柔和灯光，感觉几唔错。我哋被安排坐晌中间嘅卡位，非常阔落舒适，睇见咁有人气，用餐气氛都唔同啲。招呼非常好，不时帮忙添水，见有需要亦会更换餐碟，并且，侍应都好好礼貌。
餐牌好美式，十分巨型，希望都影得清楚啦。睇到店名有「Pizza」一字，主打就梗喺薄饼啦，仲有汤品、沙律、小食、前菜、主菜、意大利面、意大利饭及甜品，睇见食物嘅款式，都非常之吸引。
饮品类亦有非常之多选择，酒精类故然唔少啦，如生啤、支装啤、红白餐酒、汽酒、多种烈酒……等等，非酒精呢，亦多，奶昔、特饮、果汁、汽水、啡茶……等等，不过，老婆同姨仔都唔好饮嘢，小弟只点一杯果汁而已。
蕃石榴汁 $38今餐都拣咗多少少味浓嘅食物，所以，专登要杯蕃石榴汁嚟清吓味蕾，饮落酸酸甜甜，确喺几清爽，唔太冻，凉凉哋，啱晒。
蒜蓉白酒煮蚬 $138小食、前菜类有成十多款，其实款款都想试，但最终拣咗煮蚬，因为薄饼同主菜都喺浓味嘢，前菜就拣清少少。咪以为得碟蚬，仲伴有两片酸种面包，卖相立体咗，而且，蚬嘅份量都好足，蚬肉肥美咸鲜，充满蒜香，仲有微微嘅白酒渗出嚟，非常之好食。另外，自家制嘅酸种面包亦好出色，烘得微浓，十分香脆，有点韧性，再沾上底下嘅蒜香白酒汁，极具风味。
蒜蓉白酒煮蚬
$138
4 浏览
0 赞好
0 留言
新猪肉全素薄饼 $168薄饼有好多特别款式，唔喺平常见𠮶啲，专登拣咗一款全素嘅，以无麸质做嘅薄饼底，用料包括新猪肉、纯素水牛芝士及车打芝士、甜椒、红洋葱配蕃茄酱，15吋长形薄饼真喺好有睇头，烘得一片金黄，甚是吸引。虽然话喺全素薄饼，食落一样咁美味，味道绝对唔寡，好食；无麸质饼底亦都唔错㖞，几软熟。
新猪肉全素薄饼
$168
5 浏览
0 赞好
0 留言
烤斧头猪扒 $298呢款喺主菜中，厨师推介之一，曾经食过斧头扒（牛），而斧头猪扒直情喺第一次见，所以，都几期待。餐牌已标明足有500g，所以，放到嚟真喺有「斧头」咁嘅样，非常大件、厚身，而面层铺满辣肉酱，再配菠菜、忌廉及蒜香蜜糖汁，喺一道好丰富嘅主菜。落刀已觉得啲猪扒好松化，入口果然喺靓料，配上辣肉酱，有辣劲，却喺惹味到不得了；相反，菠菜嘅味道正正带嚟反差，质感柔软细嫩，忌廉汁也好香滑。
烤斧头猪扒
$298
3 浏览
0 赞好
0 留言
意大利芝士蛋糕 $88最后来一点甜，餐牌更大胆标示「Best in Town」，当然，就更加要试试啦。首先，都几大件，我哋3个人享用都觉得够，而且，打横一睇，可见喺用上意大利手指饼嚟做，更浸透咖啡酒，食落真喺充满咖啡及酒香，够湿润，而马卡风芝士层，打得挺身而柔滑，嗒得出微微芝士味，加上面层洒满唂咕粉，朱古力香味十足，果然出色。
意大利芝士蛋糕
$88
10 浏览
0 赞好
0 留言
大家除咗讲讲近况，亦交谈咗好多话题，姨仔顺利转新工，舅仔买楼最终又成事，正所谓诸事顺利。迟啲冬至，应该又会有家族饭，虽然，疫情下日日确诊数字近万，同老婆都仲叫守得住，托赖未感染，不过，依家都有啲麻木，防疫尽量做啦，生活都要平衡吓嘅。
张贴
