影片
更多
2022-05-17
2693 浏览
大概大半年前同啲旧中学同学到访过「The Salted Pig 」荔枝角店，一齐叹吓Brunch，又详谈吓近况，整体感觉几好，环境舒服，食物出色。今回就约咗两位亦喺好耐无见嘅夫妇朋友，因为佢哋都住晌葵芳，所以，就不如约晌葵芳嘅「The Salted Pig」，一齐食餐午饭。餐厅位处「新都会」最高层5楼，对出喺大平台，又一面喺落地大玻璃，所以，无论空间感，采光度，都非常之好。 初头喺门面望落去以为喺得眼前咁大，入咗去转右原来仲有另一片用餐区，呢边就感觉好唔同，灯光幽暗啲，比较有气氛啲。 晏昼嚟就梗喺食午餐啦，午市时段就有「午餐」及「早午餐」供应，其实，两者都喺一样，包餐汤或沙律，以及基本餐饮，再以主菜定价，可以加$20试埋是日甜品，而主菜嘅选择都几多元化，啱晒诸多要求嘅人。 如果午餐嘅菜式完全唔啱口味，无问题，店家亦提供散点餐，且有好多店家嘅招牌菜式，不过，逐样计点都比叫午餐贵啦。饮品方面，除汽水、果汁、啡茶之外，仲供应唔同嘅酒品，以及多款鸡尾酒特饮。不过，打算食个午餐啫，无谂住豪食，餐饮都喺拣番基本嘢。 是日餐汤餐汤喺椰菜花忌廉汤，大大碗嘅忌廉汤，就算半满都仲喺叫好大碗，我就无试，听朋
餐厅位处「新都会」最高层5楼，对出喺大平台，又一面喺落地大玻璃，所以，无论空间感，采光度，都非常之好。
初头喺门面望落去以为喺得眼前咁大，入咗去转右原来仲有另一片用餐区，呢边就感觉好唔同，灯光幽暗啲，比较有气氛啲。
晏昼嚟就梗喺食午餐啦，午市时段就有「午餐」及「早午餐」供应，其实，两者都喺一样，包餐汤或沙律，以及基本餐饮，再以主菜定价，可以加$20试埋是日甜品，而主菜嘅选择都几多元化，啱晒诸多要求嘅人。
如果午餐嘅菜式完全唔啱口味，无问题，店家亦提供散点餐，且有好多店家嘅招牌菜式，不过，逐样计点都比叫午餐贵啦。
饮品方面，除汽水、果汁、啡茶之外，仲供应唔同嘅酒品，以及多款鸡尾酒特饮。不过，打算食个午餐啫，无谂住豪食，餐饮都喺拣番基本嘢。
是日餐汤餐汤喺椰菜花忌廉汤，大大碗嘅忌廉汤，就算半满都仲喺叫好大碗，我就无试，听朋友讲唔错，推得好滑溜，都几重忌廉味。反而，亮点喺伴有一片热烘烘嘅酸种面包，香脆而富麦香。
是日沙律虽然是日沙律喺烟鸭胸沙律，不过，有别平常所见烟鸭胸切成一片片，而喺切丝，加埋一啲青瓜粒、沙律菜及车厘茄，简单清新，食得出啲食材都好新鲜，为今次午餐小聚有个好开始。
烤牛肉芝士馅饼 $138 估唔到午餐选择中有一款墨西哥嘢，所以，友人就好想试。整体嚟讲，都几有睇头，一客有4件墨西哥馅饼，再伴有杂菜沙律、薯条 ，佐以牛油果酱，而薄薄嘅馅饼烘得外层有少少焦脆，内层就带少少烟韧感，而里面除有烤牛肉、芝士，仲有墨西哥辣椒、洋葱，颇为惹味，所以，食味真喺唔错。
酱烧猪肋骨 $178 餐厅以「猪」为名，点都要叫一客猪肉菜式，就以猪肋骨喺大家嘅共同喜好。大大件嘅猪肋骨，涂上大量自家制烤酱，酸酸甜甜劲惹味，重点喺件肋骨做得松化且入味，大家都赞好。此外，除薯条，伴有牛油粟米、椰菜沙律，前者嘅栗米粒好清甜，却极有牛油香，而后者味道酸爽，正好用嚟平衡番肋骨嘅浓重味道。
酱烧猪肋骨
$178
20 浏览
0 赞好
0 留言
烧精选肉眼扒 $238 同枱两个麻甩佬，都算喺喜欢食肉，所以，第3道主菜就拣肉眼扒伴红酒汁，要咗五乘熟。烧到一条条纵横交错嘅炭火坑纹，已经喺极具吸引，单喺落刀𠮶下，已感受到件肉眼有几高质，入口果然非常腍滑，肉味浓郁，而且，烧得啱啱好，里面嘅色泽仲带嫩粉红，却无丝毫血水，咬落甚富肉汁，超水准出品。
烧精选肉眼扒
$238
12 浏览
0 赞好
0 留言
至于伴菜，专登开一段讲讲，3款主菜嘅伴菜都配搭唔同，唔会千篇一律，而呢个肉眼扒嘅伴菜喺烤茄、法边豆同薯条，每样都处理过，例如烤过、炒过，而薯条都有少少特别，除炸得香脆不腻之外，好似仲喺先扑咗层面粉先再炸，食落感觉喺有少少唔同，食到尾都仲喺咁脆。
是日甜品 +$20 见只喺加廿蚊，就不妨试一试，而款式喺美式芝士蛋糕，虽然只喺细细件，两口就食晒，但做得有水准。除咗底层嘅消化饼碎够薄之外，上层嘅忌廉芝士馅都够挺身，却好软滑，芝士味好突出，加上少少草莓酱同朱古力酱嘅唧花，俾廿蚊都喺抵嘅。
热咖啡上次就有补钱转啲特色咖啡，但感觉一般般，所以，今次就只拣番一般热咖啡，反而仲好，因为始终喺即磨货色，豆靓嘅话都唔差得去边，饮落确喺几醇香。
今餐大家都食得好满足，一来环境几舒服，客人唔多，我哋又可以静静哋倾吓偈；二来3道主菜都确喺做得有水准，货真价实，绝无欺场；再者服务亦好唔错，知道我哋喺共享主菜，就自动奉上额外餐碟、餐具。
张贴
