影片
更多
2018-03-09
131 浏览
平时同大胃王老公食越南河粉，最担心系佢唔够饱，听讲呢间fuhn 系sell北美式即系大大碗嘅越南粉，咁就啱喇！放工即刻捉埋老公去试下！点解店名叫Fuhn都有解释，原来越南粉pho嘅读音系［fuh]，加n之后就同fun同音，看来都系想食客食得开心又过瘾。今次食饭嘅体验，由开始到完结我都感受到食店嘅细心同用心。由餐牌嘅仔细介绍，到食水嘅品质，同香草嘅运用，都无微不至咁照顾。食客可以按自己食量同人数选择汤粉嘅大小。详尽介绍每一种香草，呢一页我好用心睇，真系长知识！😂食水都有品质证明，真系令人食得开心，饮得放心。既然以食大碗越南粉做招徕，咁一定要试个特色牛汤粉，我地两个人share一碗，所以叫XL，要金边粉，再加$20追加安格斯生牛肉。黎到见到真身，就开始担心两个人食唔食得哂⋯特色牛肉汤粉中包括左多款材料：生牛肉、牛坑腩边、牛腩边、牛筋片、手打牛丸，仲有牛柏叶。先讲特色牛肉汤粉，汤底几清甜，金边粉滑，而且材料真系好丰富。牛坑腩边够腍，牛筋片薄切，好爽口；牛丸唔系平时食实净弹牙果种，有牛味，因为人手打所以会比平时食果d软腍少少，我好钟意；生牛肉肥瘦刚刚好，好滑！另外芽菜、辣椒碎同青柠会另上，按需
点解店名叫Fuhn都有解释，原来越南粉pho嘅读音系［fuh]，加n之后就同fun同音，看来都系想食客食得开心又过瘾。
今次食饭嘅体验，由开始到完结我都感受到食店嘅细心同用心。由餐牌嘅仔细介绍，到食水嘅品质，同香草嘅运用，都无微不至咁照顾。
食客可以按自己食量同人数选择汤粉嘅大小。
详尽介绍每一种香草，呢一页我好用心睇，真系长知识！😂
食水都有品质证明，真系令人食得开心，饮得放心。
既然以食大碗越南粉做招徕，咁一定要试个特色牛汤粉，我地两个人share一碗，所以叫XL，要金边粉，再加$20追加安格斯生牛肉。黎到见到真身，就开始担心两个人食唔食得哂⋯
特色牛肉汤粉中包括左多款材料：生牛肉、牛坑腩边、牛腩边、牛筋片、手打牛丸，仲有牛柏叶。
先讲特色牛肉汤粉，汤底几清甜，金边粉滑，而且材料真系好丰富。牛坑腩边够腍，牛筋片薄切，好爽口；牛丸唔系平时食实净弹牙果种，有牛味，因为人手打所以会比平时食果d软腍少少，我好钟意；生牛肉肥瘦刚刚好，好滑！
另外芽菜、辣椒碎同青柠会另上，按需要自行加。仲有一杯用水种住嘅香草任摘，然后放入汤粉中增强香味，好有趣！
我地仲点左小食拼盘，有三款小食：炸春卷、牛油鸡翼、炸虾饼。我最欣赏个炸虾饼，我食左其他野先食佢，都仲keep到脆卜卜，咬落好足料，虾胶仲包住原粒虾肉。春卷亦炸得香脆，反而鸡翼较普通，肉质实左d。
鲜虾柚子沙律，沙律盘原来好深，好多菜，混合埋香草。柚子肉清甜多汁，d虾仲有虾膏添，好清新好健康！
新鲜椰青👍🏻清甜，仲可以刮入面d椰青肉黎食，好钟意。
张贴
