影片
更多
2022-09-12
4331 浏览
除咗「宅渡假」之外，近几年都好少食自助餐，都无话咩特别原因嘅，只喺咁啱少食咗而已。同老友兴之所致，今晚一同嚟到北角嘅「The Farmhouse 」尽情食番晚。查实4年前都嚟过一次，对其印象唔错，环境偌大，又有气氛，食物选择多，交通亦方便，离地铁出口几分钟步程。餐厅名为Farmhouse，环境自然装修得贴题，一室深色木系，部份地方更搭建成农舍模样，而且，地方阔落，楼底够高，枱与枱之间距离足，配合上柔和嘅灯光，令整体环境都予人悠闲舒服，感觉轻松。原来，佢哋仲喺动物友善餐厅，晌外边有多张露天枱，专供应带宠物嘅客人，虽然近排天气仲有啲热，但入夜，加啲大风扇，感觉又OK㖞，当然，再迟多一头半个月，天气凉番啲就更加爽啦！食物嘅摆放基本上可以讲喺分两大片区，一入门口嘅片区，集中于沙律、冷盘、海鲜、刺身及寿司、甜品、饮品呢6个类别。顺便讲讲啲价钱，星期一至四晚计，成人收$668，长者或小童收$388，官网订，有８折，可以由6:00pm食到10:00pm；但亦有啲弹性自选时段优惠，5:30pm-7:30pm或8:00pm-10:00pm就打个75折，9:00pm-10:00pm就打5折，但一个钟就太赶
餐厅名为Farmhouse，环境自然装修得贴题，一室深色木系，部份地方更搭建成农舍模样，而且，地方阔落，楼底够高，枱与枱之间距离足，配合上柔和嘅灯光，令整体环境都予人悠闲舒服，感觉轻松。
原来，佢哋仲喺动物友善餐厅，晌外边有多张露天枱，专供应带宠物嘅客人，虽然近排天气仲有啲热，但入夜，加啲大风扇，感觉又OK㖞，当然，再迟多一头半个月，天气凉番啲就更加爽啦！
食物嘅摆放基本上可以讲喺分两大片区，一入门口嘅片区，集中于沙律、冷盘、海鲜、刺身及寿司、甜品、饮品呢6个类别。顺便讲讲啲价钱，星期一至四晚计，成人收$668，长者或小童收$388，官网订，有８折，可以由6:00pm食到10:00pm；但亦有啲弹性自选时段优惠，5:30pm-7:30pm或8:00pm-10:00pm就打个75折，9:00pm-10:00pm就打5折，但一个钟就太赶喇！
饮品区一边嘅冻柜有罐装可乐、雪碧及忌廉，而另一边则放置两大部咖啡机，有多款意式咖啡供选择，旁边枱上，就放有柠檬片、鲜牛奶、多款口味嘅茶包，可以让客人作自己心水饮品嘅配搭，更有一大壶预制好嘅果茶。头段小弟就饮吓汽水，最尾食得好饱，就饮番杯洋甘菊舒缓吓。
如果喜欢饮酒嘅朋友，就可以选择畅饮套餐，可以无限畅饮不同嘅酒类，若果唔喺搏命饮嘅，亦可以以优惠价点选汽泡酒、红白餐酒或啤酒。
沙律好多时，食自助餐都会有沙律吧，不过，呢度就精品啲，即场制作3款主题沙律：水牛芝士沙律、凯撒沙律、日式鲷鱼沙律。此外，就仲有几款预制好，但口味就较为大路嘅放咗晌另一边冻柜内，如薯仔沙律、希腊沙律、甘笋椰菜絮沙律……等等。
冷盘正正就喺放晌冻柜之内，除冷冻住保存鲜度之外，有晒柜门，就更加衞生。而冷盘方面，包括有莎乐美肠、意式肉肠、西班牙火腿、自家腌制烟三文鱼，以及多款咸咸酸酸配料。
芝士盘再隔离个冻柜，除咗上文提及嘅预制好沙律之外，仲有3款芝士：康提芝士（Comte）、莫尔比耶芝士（Morbier AOP）、金文拔芝士（Camembert），以及一啲干果。我就好少好似啲人咁，饮住红酒，衬啲芝士，大多数都喺夹埋啲沙律一齐。
「登登登櫈」！就喺将以上几个类别嘅食物砌埋一齐，成为小弟嘅丰富头盘，样样都有啲，够晒多元化，色彩又够缤纷，未食都好醒神。整体而言，啲食材新解，用料够精，啲水牛芝士更搣成半嚿俾我，洒少少盐巴，好特别，而自家腌制烟三文鱼亦无平时出面现成货咁咸，所以，大致上每样嘢都好好食，食完真喺可以大开胃纳。
海鲜喺食自助餐嘅回本区，先扫视一下有咩海鲜先，包括：波士顿龙虾、法国面包蟹、冻海虾、澳洲青口、纽西兰蚬同翡翠螺。龙虾同面包蟹都喺大热之选，睇吓有啲客人一攞就攞几只，但放心，睇见厨师都好快补货，唔会试唔到。
6款海鲜话多唔多，话少唔少，咁就当然一碟过砌成一碟海鲜拼盘，咁先有睇头吗。龙虾、海虾同样肉质爽口，味道鲜甜；面包蟹非常多膏，入口甘腴，不过，讲真，拆蟹又真喺几麻烦；翡翠螺、纽西兰蚬亦喺质素不俗嘅货色。
刺身、寿司、和食小弟唔喺唔钟意食刺身，只不过有个印象，自助餐所提供嘅刺身一般都喺啲大路货色，故此，先甚少晌自助餐中食刺身，不过，都要稍微介绍一下。刺身有希灵鱼、八爪鱼、油甘鱼、吞拿鱼、三文鱼共5款，而寿司则有啲腐皮寿司、甜虾寿司、三文鱼寿司、鱿鱼寿司、吞拿鱼寿司、赤贝寿司……等等，再加埋啲芝麻八爪鱼、冷面，就介绍晒呢一区嘅食物。
面包、餐汤跟住介绍吓面包类，有3款包，都喺比较欧陆式，即喺硬身啲，未必人人啱，但就开正小弟𠮶瓣；而汤品就放咗晌另一个片区，即喺晌热盘𠮶一边，不过，都先讲讲有咩选择，中汤代表喺中式汤，唔喺玩嘢，个名牌真喺咁写，而西汤代表则喺蕃茄浓汤。
食完两道生冷嘢，揾碗热汤嚟暖番吓个胃，并衬一衬啲面包搭两片芝士，其实，咁嘅组合对啲外国人嚟讲，已经喺一餐。个汤自行加咗少少鲜牛奶，口感更滑，茄味浓得嚟唔会好酸，反而几醒胃；啲面包好有韧性，搭啲芝士，抑或搽牛油，都正呀喂！
跟住就要介绍另一边食物片区，走到餐厅尽头，转左有个独立嘅大空间，里面就供应多种中西热盘、烤肉、咖喱、即制粉面……等等，走一圈，就会见到美食琳瑯满目。
串烧、烤肉企近门口，已闻到阵阵肉香，皆因对正门口就喺烤鸡串、羊肉串同烤菠萝，喺好巴西式烧烤𠮶种，睇住师傅密密烧，香气一定四溢啦，仲搭埋其他特色配料一齐；而隔间就喺自助餐必有嘅烤肉，是夜就有烧安格斯牛西冷同烧猪腩卷，后者烧得有点似烧肉，非常靓仔，十分之吸引。
西式热盘跟住睇睇有咩热盘先，晌整个片区里面，热盘分开咗几排摆放，好处喺可以分散到人流，唔使啲客堆埋一齐。而啲热盘都有揾电磁炉热住，第一排先有松露薯蓉、蜜糖甘笋、烟肉洋葱四季豆、烧腌杂菜、意大利茄酱肉丸、烧鲭鱼柳及阿根廷烧春鸡。
即煮意大利面呢个即煮意大利面只提供纽纹粉配蘑菇松露酱，虽然有样办俾你睇，只喺细细份，但小弟都怕太饱肚就无试，不过，目测就似乎几受客人欢迎，可能成大大嚿原个意大利顶级芝士做「拌匀盘」，自然成为亮点。
印度咖喱再继续行，行过少少主要喺咖喱类，唔算多款式，包括印度米、印度薄饼、羊肉咖喱、印度薄脆、咖喱杂菜。虽然无点试啲印度米或薄饼，但羊肉咖喱就好合心水。
车仔面档、点心跟住喺有香港本土特色嘅车仔面档同点心，面底、配料就一眼睇晒，算不上有咩亮点，唯一卖点就喺汤底：四川麻辣汤，相信有不少客人好此道，辣嘢我就一般般；而点心我都无乜点留意，只喺睇番啲相见名牌有虾饺同叉烧包，无打开过啲蒸笼睇睇，会唔会仲有其他款式就不得而知。
中式热盘继续介绍埋呢区嘅热食，有蒸鱼（古法蒜莴豆豉蒸比目鱼）、虫草花北菇鸡、豆豉鲮鱼炒油麦菜、榄菜肉松炒饭、上汤龙虾伊面，仲搭啲咖喱猪皮、盐水猪红，个人觉得卖点喺柜枱后有晒灶头，啲小炒、蒸菜都喺现埸即做。
潮式卤水、明炉烧味再行过隔离，继续都仲有其他中式食物，分别有卤水拼盘、红肠、叉烧、豉油鸡，而之前提及过嘅中汤、西汤就放晒晌呢度。而所有热食，兜咗一个圈，就介绍晒喇！
老实讲，咁多热盘嘢，试就试唔晒架啦，亦好难话点食到回本，所以，随心拣咗啲自己喜欢嘅嘢食，拣咗6款肉，再搭少少烤蔬菜、烧菠萝。啲西冷几有肉香，猪腩卷果然好似烧肉，啲皮脆到咯咯声，而羊肉串、羊肉咖喱都喺我嘅「飞弗」。
生果、甜品甜品就放晌一入门口附近嘅位置，基本上分咗两组，一组就喺放晌冻柜内各式各样嘅甜品，兼有几款生果，甜品包括：夏洛特蛋糕、云可芝士蛋糕、鲜果挞、开心果红莓蛋糕、芒果布甸、焙茶蛋卷、无花果抹荼泡芙、樱花水信玄饼、红莓朱古力慕丝蛋糕……等共9款，款款都做得好精致，目不暇给；另一组就忘记影张大相，不过，就有记低有咩款式：圣安度蛋糕、朱古力挞、云呢嗱挞、三色烤团子、焗朱古力布甸、窝夫……等等。整体嚟讲，数吓数吓都有成十多款，应满足到一般需要。
先食啲「饭后果」先，有清爽多汁嘅西瓜、清甜纯香嘅蜜瓜、酸酸甜甜嘅鲜菠萝，以及一啲杂莓，由于啲生果都雪得凉凉哋，入口真喺几爽，尤其晌呢啲天口热嘅日子，就算喺凉紧冷气，食啲冰凉嘅生果都舒服好多。
抖一抖，就挑战甜品，一口气拣咗9款，砌成一大碟，五颜六色，睇见都开心啦。所拣呢9款都极有水准，由于都喺拣自己最合口味嘅款式，自然觉得样样都好食，个人推介有红莓朱古力慕丝蛋糕、开心果红莓蛋糕、朱古力挞、焙茶蛋卷，喺让人有再翻兜嘅冲动。
雪糕柜其实，晌甜品区仲放置咗个大型新式嘅雪糕柜，斜斜哋设计，远睇成只小飞船，内里放满好多自家制雪糕，一共有成10款（部份口味有重复），当中有啲口味都颇为特别，除杯上，亦可以选择普通嘅窝夫筒或朱古力窝夫筒。
因为食咗上面嘅「甜品拼盘」，所以，雪糕就简简单单拣咗4款：冧酒提子、抹茶、意大利芝士饼及芒果，再淋上少少枫糖糖浆，洒啲朱古力珠珠。啲雪糕嘅质感几软滑，有奶香，质素唔错。
食到呢个位，真喺好饱好饱喇，再食多少少都无乜位，故此，最好就饮杯热茶嚟消消滞，洋甘菊就最好不过，淡淡咃，却充满幽香，饮完感觉好舒服。题外话，好钟意佢只瓦茶杯，好有原始味。
我哋两个都食得好满足，除咗食咗好多嘢之外，因为时间长，可以慢慢叹，食吓又抖吓，就算食饱饱，饮住杯茶再坐多阵，谈天说地，讲东讲西，感觉悠闲。
张贴
