影片
更多
2023-09-03
1669 浏览
过去三年嘅疫情，有啲餐厅挨唔住无奈结业，有啲餐厅就选择休业，养精蓄锐，到复常时候东山再起，而今晚同朋友到访嘅「Supergiant Social Dining & Cocktail Bar」属后者，更推出一系列新菜式及鸡尾酒，确喺几令人期待。餐厅位处酒店三楼，一出电梯就见到餐厅嘅酒吧枱，餐厅唔算好大，一室以黑白为主调，最特别喺白色墙身其实喺雕花嘅磁砖，令到整体感觉好型格、摩登！对住酒吧台嘅位置有数张餐枱，再转个弯屈入少少，入面有另一个用餐区，数张餐枱一字长形排列，典雅嘅天花吊灯，再加上灯效都几有气氛。先睇睇餐牌有咩选择，其实款式唔算好多，但务求贵精不贵多，以类别而言，包括滋味小吃、亚洲风味沙律、主菜、配菜及甜点，所有菜式都详细列明所包含嘅食材，睇落好多款嘅配搭都几有特色，更加入不少亚洲元素，侍应更话啲食材取自本地一啲高质素嘅供应商，融入咗东南亚口味嘅全新菜单。此外，除咗食物有特色，鸡尾酒一环更有啲新搞作，晌枱上栋起个鸡尾酒餐牌，就介绍到一系列原创手工鸡尾酒喺由鸡尾酒专家Lorenzo Antinori以古老中国神话「月神」为题所特制，5款鸡尾酒除咗名字有趣之外，更有少少背后故事。第二章
餐厅位处酒店三楼，一出电梯就见到餐厅嘅酒吧枱，餐厅唔算好大，一室以黑白为主调，最特别喺白色墙身其实喺雕花嘅磁砖，令到整体感觉好型格、摩登！
对住酒吧台嘅位置有数张餐枱，再转个弯屈入少少，入面有另一个用餐区，数张餐枱一字长形排列，典雅嘅天花吊灯，再加上灯效都几有气氛。
先睇睇餐牌有咩选择，其实款式唔算好多，但务求贵精不贵多，以类别而言，包括滋味小吃、亚洲风味沙律、主菜、配菜及甜点，所有菜式都详细列明所包含嘅食材，睇落好多款嘅配搭都几有特色，更加入不少亚洲元素，侍应更话啲食材取自本地一啲高质素嘅供应商，融入咗东南亚口味嘅全新菜单。
此外，除咗食物有特色，鸡尾酒一环更有啲新搞作，晌枱上栋起个鸡尾酒餐牌，就介绍到一系列原创手工鸡尾酒喺由鸡尾酒专家Lorenzo Antinori以古老中国神话「月神」为题所特制，
5款鸡尾酒除咗名字有趣之外，更有少少背后故事。
第二章（日之燃烧）$128对于品酒小弟就喺门外汉，等啲朋友品评吓啦。从餐牌所见，呢杯由威士忌、中国黄酒（绍兴酒）、糖浆、苦精鸡尾酒调酒沟成，朋友就话个味道好特别，风味独特，几种酒沟埋好有一种冲击感。
第二章（日之燃烧）
6 浏览
0 赞好
0 留言
另一杯饮咗肯定唔会长生不老，但却有一种全新嘅感受，以龙舌兰酒、青柠汁、接骨木花酒、罗勒、辣椒汁沟成，有份清新，有份香气，酒精浓度唔高，非常之易入口，感觉十分清新。
第三章（长身生不老仙丹）
$128
3 浏览
0 赞好
0 留言
呢度菜睇嚟似一道鱼生沙律，但其实可以话喺一道小食，因为可以搭住啲脆口嘅炸虾片一同食，一脆一柔，效果喺几得意。而啲黄鳍鲔鱼加咗四季橘嘅汁、意大利香醋，以及少少芫茜、辣椒、黑芝麻嚟调味，口感轻怡清新，确系令人越食越开胃。
风味酸汁腌鲔鱼
$158
6 浏览
0 赞好
0 留言
香烤沙嗲串 $128讲起东南亚美食，又点少得沙嗲串烧吖。呢一道沙嗲串喺以烤鸡肉为主角，虽然无讲明咩部位，但喺食起嚟鸡肉肉质有弹性，口感算几嫩滑，配以自家制嘅沙爹酱，非常之香浓惹味；此外，仲有啲酸萝卜、酸青瓜俾你间吓场，隔住食，当然底下𠮶块炸鱼脆片都唔好错过，我就直头夹埋啲沙嗲酱一齐食，正呀喂！
蟹春肉卷 $168幼身长长嘅蟹肉春卷贵就贵在里面塞满晒蟹肉，𠮶份蟹肉鲜味都几突出，而最紧要就喺炸得脆口，又唔油腻，再沾上甜辣酱，其实都几够辣劲，甜甜辣辣确又喺几好食，食住啲炸嘢，再饮吓啲冻饮，或者鸡尾酒，喺几爽嘅。
安格斯小汉堡 $198当然呢个小汉堡嘅卖点就喺用上安格斯牛，仲要用到最顶级级数，自家手打，一食你就知坚喺真材实料，𠮶阵牛肉味好浓郁，充满脂油香味，配车打芝士、蕃茄、生菜固然预咗，另一亮点就喺涂上韩式烧烤酱，并伴以青瓜渍，所以颇有特色。
安格斯小汉堡
$198
17 浏览
0 赞好
0 留言
香兰叶鲈鱼 $238呢一款烤炉鱼一睇就好觉得充满泰式风情，以香兰叶包住鲈鱼去烤，鲈鱼自然微微多咗份香兰叶嘅香气，讲到条鲈鱼都几大件，又厚身，出嚟嘅效果鱼肉非常之嫩滑，质感细致，唧啲青柠汁落去，鱼嘅鲜味更突出。
香兰叶鲈鱼
$238
2 浏览
0 赞好
0 留言
安格斯牛面颊 $278牛面颊肉本身都几有特色，呢一份牛面颊肉以玛沙拉咖哩去制作，有种印度色彩，而牛肉采用安格斯货色，当然有一定嘅保证，肉质的确喺好松化，已经被炆到好软腍，睇见有咁多咖喱汁喺碟底，唔使担心，呢道菜会跟碗白饭，等你可以食尽啲咖喱汁而唔好嘥。
安格斯牛面颊
$278
8 浏览
0 赞好
0 留言
烤澳洲羊架 $158睇过小弟食评都知我都几钟意食羊架，有人就话佢膻，其实喺味道独特。餐牌写明一客有两支羊架，羊架都几大件好厚身，夹咗好些香料腌制，所以烧出嚟好靓仔，由于觉得火候啱啱好，肉质软淋，骚味唔重；沾上少少薄荷酱，风味更佳，而啲北非小米，非常之细粒，里面混有提子干同松子仁，食落又几唔错。
烤澳洲羊架
$158
3 浏览
1 赞好
0 留言
烤黑毛猪扒肉 $298呢一道喺餐牌以外嘅新菜式，用上西班牙黑毛猪，外层烤得焦香，但切开一睇，色泽呈淡粉红，烤得恰到好处。入口外层有阵阵焦脆感，而肉质却有点爽爽脆嘅口感，带点脂香，再佐以味噌牛油，食味更喺一流；此外，唔喺普通通嘅薯菜，而喺做咗啲特色泡菜，令到整道菜色有画龙点睛之效。
烤黑毛猪扒肉
$298
7 浏览
0 赞好
0 留言
“Moonana” 香蕉船 $118初头谂住简简单单香蕉船一个，点知单讲卖相已经够晒惊喜，好有禅意嘅大石碗，中间喺云呢拿雪糕，左右两边有焦糖化嘅香蕉肉，然后再加上新鲜士多啤梨、杏仁片、红莓干、白朱古力豆，并伴以杂莓浆同糖浆，成件事就唔同晒，分外美观。味道都好唔错，尤其香蕉面嘅焦糖做得又薄、又脆口，而将所有食材放入口，口感丰富，味道纷陈。
“Moonana” 香蕉船
$118
1 浏览
0 赞好
0 留言
成晚用餐嘅速度啱啱好，不急不缓，而且，前菜类、主菜类同类别嘅都会做到同步出菜，招呼亦都好熨贴，确喺有酒店该有嘅水准。同啲老友记聚下餐，谈吓天，说吓地，怀缅一旧事下，前瞻一下未来，喺一个愉快嘅晚上。
张贴
