影片
更多
2023-08-15
2005 浏览
肠胃炎病咗几日，日日粥水、粥水又粥水，无啖好食，所以，趁好番，今晚又喺得返一支公开饭，专登食好少少，就谂到嚟海港城嘅「Espresso Alchemy」叹杯靓咖啡，食个意大利饭，呢度嘅出品稳打稳扎，啱我好味，最紧要啲咖啡有水准嘛。餐厅嘅环境可以讲跟商场空间连成一体，下单嘅柜位喺较「入铺」嘅一边。对开嘅另一边就喺用餐区，地方都几大，拱门形嘅窗框，加上波波灯，装修上带点欧陆风，予人感觉闲适写意。 基本上，印像中跟上次嚟嘅餐牌变化唔喺好大，食物方面，就包括有沙律、三文治、多士、意大利面、意大利饭、全日早餐、汉堡、意大利三文治及甜点。而饮品方面，都喺一系列意式咖啡，以及多款特色饮品、朱古力……等等。 选购食物采半自助形式，晌收银处落单后，收到号码牌，就由店员将食物送上，简单嘅服务，却唔收加一服务费。 南瓜蓉配炸松子核桃碎忌廉意大利饭 $109 上一次嚟试咗佢哋嘅虎虾车厘茄意大利饭，今次当然要拣番意大利饭，一碟意大利饭好睇到厨师嘅手势同实力，掂唔掂你得呃。初时见佢个菜名叫南瓜蓉，以为只喺个汁底加入南瓜元素，原来唔止咁，饭面仲有好多烤南瓜肉，此外，仲有好多松子仁、核桃碎，令到整体口感丰富；而饭
餐厅嘅环境可以讲跟商场空间连成一体，下单嘅柜位喺较「入铺」嘅一边。
对开嘅另一边就喺用餐区，地方都几大，拱门形嘅窗框，加上波波灯，装修上带点欧陆风，予人感觉闲适写意。
基本上，印像中跟上次嚟嘅餐牌变化唔喺好大，食物方面，就包括有沙律、三文治、多士、意大利面、意大利饭、全日早餐、汉堡、意大利三文治及甜点。而饮品方面，都喺一系列意式咖啡，以及多款特色饮品、朱古力……等等。
选购食物采半自助形式，晌收银处落单后，收到号码牌，就由店员将食物送上，简单嘅服务，却唔收加一服务费。
南瓜蓉配炸松子核桃碎忌廉意大利饭 $109 上一次嚟试咗佢哋嘅虎虾车厘茄意大利饭，今次当然要拣番意大利饭，一碟意大利饭好睇到厨师嘅手势同实力，掂唔掂你得呃。初时见佢个菜名叫南瓜蓉，以为只喺个汁底加入南瓜元素，原来唔止咁，饭面仲有好多烤南瓜肉，此外，仲有好多松子仁、核桃碎，令到整体口感丰富；而饭粒做得够湿润，入口米心口感烟韧，却唔会有种「生米」嘅感觉，每口都充满南瓜嘅清甜香味，只喺稍嫌收水多咗啲，个汁少少杰身。
鲜奶咖啡 $44 佢哋嘅咖啡真喺几有水准，所以，我都拣番惯常所饮嘅鲜奶咖啡。先讲个拉花，线纹细致而对称，虽然未算话拉到好多层，亦算喺有番咁上下，入口口感均匀，咖啡香气醇和，又富有果仁香气。另外，好钟意店家啲瓦杯，厚身又有型。
生酮竹炭黑芝麻忌廉卷 $61 曾经喺西环一间咖啡店食过生酮所做嘅蛋糕，由于喺无麸质制作，好啱有敏感问题嘅客人食，见呢度都有，今晚尽兴少少，食埋个甜品先。最心水喺意大利芝士口味，不过，买晒！竹炭黑芝麻我都OK，竹炭蛋糕卷住黑芝麻忌廉，如果能加上少少装饰，卖相就更加精美。海绵蛋糕有别平常嘅口感，喺会觉得稍稍干啲，但仍很软绵，中间嘅忌廉打得很柔滑，好有芝麻香气。
就算唔喺素食餐厅，好多餐厅都会加入少少健康菜式，例如全素菜式、无麸质、生酮饮食……等等，其实都喺一个趋势，好做多少少著重呢方面嘅客人。今晚呢餐其实又真喺好健康，难得一支公食饭都无大鱼大肉，可以食得咁健康，哈哈！
张贴
