好煮意

营业中

休息中

药膳醉鸡相信唔少上水嘅街坊都好熟悉嫁啦。作为上水街坊今日衬WFH，专登行过嚟马会道新铺呢边再试试佢暖下个身。新铺环境更阔落舒服，坐得舒服自然食得更爽。除咗招牌嘅药膳醉鸡汤面外，店舖其实仲有唔少汤底选择（鲜鸡、喇沙同酸辣等等）招牌药膳醉鸡🐓汤面（米线）一上枱已经闻到好香花雕酒味，即刻饮一啖汤底（顺囗鲜甜、酒香味浓）。个胃即刻暖笠笠。鸡件份量都几大，鸡肉亦嫩口。记得点埋个辣酱油一齐食呀！配料仲有唔少云耳都几入味。如果想食到鸡脾位亦都可以加$10转。鲜鸡🐓汤面（米线） 三𩠌起如果唔太好阵酒味亦都可以选择鲜鸡汤底。汤底纯鲜鸡味，可以按自己喜好去简想食嘅配料（车仔面嘅模式）。今次试咗佢嘅手工韮菜猪肉饺🐖，牛腩🐂同猪大肠。特别推介手工饺，粒粒都包满足料。可以点佢个辣酱油外，仲可以试吓佢个自制辣椒油🌶（入面加咗蒜蓉粒，惹味！）行为过嚟上水嘅大家可以bookmark 去试吓啦，支持下特式米线😉。记得睇清楚个地址呀👍🏼。