影片
更多
2023-11-22
1992 浏览
老婆一向食嘢喺偏素，偶尔食吓肉，不过，佢有体重过轻嘅问题，所以，家下要食番多少少肉，故此，今回佢就请我嚟「金凤」锯扒，认真难得，食完趁天气凉凉哋顺便去行吓山，减番啲卡路里。虽然过咗午市嘅最高峰，但都要等一等位，不过都喺三几分钟有得入。话时话，「金凤」粗略估计小弟都应该有超过10年无帮衬过，呢间店都几大，楼底又高，又有一排落地玻璃大窗，装修就如怀式嘅豉油西餐厅嘅格局，感觉都几舒服。墙上嘅霓虹灯数字「1969」，就喺餐厅成立嘅日子，即喺开咗超过半个世纪，主餐牌都有详细介绍。今时今日，老店已经买少见少，屹立咁多年实在唔容易。值得一提嘅喺，啲地方无用到尽，枱櫈唔似茶记咁排到「密质质」，而且，亦尽量间开啲客人，好似我哋两公婆同另一对客人，就安排坐晌张6人枱，中间就隔开咗一个位。午市方面，午市套餐嘅选择唔多，只有4款，其中3款喺西式碟头，平少少，定价$68-$82，净番1款就喺招牌嘅铁板扒餐，卖$138。几款午市套餐老婆都麻麻地啱食，所以，就喺主餐牌度落手，有好多款铁板餐供应，可谓各适其适，此外，散点嘢仲有沙律、汤品、小食、海鲜。全部餐都会有牛油餐包、餐汤同饮品、冻饮亦唔需要额外加钱，但就需收加一
虽然过咗午市嘅最高峰，但都要等一等位，不过都喺三几分钟有得入。话时话，「金凤」粗略估计小弟都应该有超过10年无帮衬过，呢间店都几大，楼底又高，又有一排落地玻璃大窗，装修就如怀式嘅豉油西餐厅嘅格局，感觉都几舒服。
墙上嘅霓虹灯数字「1969」，就喺餐厅成立嘅日子，即喺开咗超过半个世纪，主餐牌都有详细介绍。今时今日，老店已经买少见少，屹立咁多年实在唔容易。
值得一提嘅喺，啲地方无用到尽，枱櫈唔似茶记咁排到「密质质」，而且，亦尽量间开啲客人，好似我哋两公婆同另一对客人，就安排坐晌张6人枱，中间就隔开咗一个位。
午市方面，午市套餐嘅选择唔多，只有4款，其中3款喺西式碟头，平少少，定价$68-$82，净番1款就喺招牌嘅铁板扒餐，卖$138。
几款午市套餐老婆都麻麻地啱食，所以，就喺主餐牌度落手，有好多款铁板餐供应，可谓各适其适，此外，散点嘢仲有沙律、汤品、小食、海鲜。全部餐都会有牛油餐包、餐汤同饮品、冻饮亦唔需要额外加钱，但就需收加一服务费。
餐具、纸巾都放喺枱侧，平常喺茶记都会放少少调味料，呢度唯一嘅调味就喺支大茄汁，因为嚟得呢度大部分人都食铁扒餐，梗附送大量薯条，所以，茄汁喺必备调味料。
牛油餐包、餐汤呢一类小餐包喺港式西餐厅嘅经典，包身非常之软熟，搽上少少牛油都好好食。餐汤可以拣罗宋汤或洋葱粟米忌廉汤，我哋两个人各叫一款试试
，似乎罗宋汤好饮好多，比较有味道，酸香又多杂菜，而个忌廉汤味道较淡，亦都比较寡，粟米粒更喺寥寥可数。
欧陆铁板餐 $138上咗个餐汤无耐，都未饮够1/4，就嚟个个铁板，明显喺因为午餐，较多人叫，完全喺整定晒。个餐写明包咗猪扒、牛扒、法兰克福肠、澳洲带子，不过就唔会问你牛扒要几成熟，亦唔会知喺咩部份，但确喺份量十足，堆到成个山咁。整体嚟讲，以锯扒而言，喺抵食嘅，不过，计埋味道就差咗少少，猪扒、牛扒调味都有少少过咸，个黑椒汁亦都偏咸，我啲牛部有份就较多筋，而带子就算喺雪藏货，算弹牙好食㖞。
招牌牛柳餐 $142老婆嘅牛柳餐，又喺一大堆头，有好多件，仲好厚身，落单时亦有问佢要几成熟，选上7乘，都确喺煎到差不多。不过好搞笑，当淋上洋葱汁时，块铁板无乜点响，只喺滋滋几声就完。讲到啲牛柳，又真喺几嫩滑，轻易就切得开，咬落软腍松化，又几有肉香，因为份量多，老婆食咗一半都叫饱，而下面垫有大量薯菜，不过，啲薯条咁样垫底，被啲酱汁浸腍晒，有啲嘥料啫。
热咖啡、热唂咕+$5餐后一杯咖啡就啱我心水，而难得有唂咕供应，老婆就宁愿加钱饮杯唂咕，比起朱古力味道更浓、更香。
食得我哋两个鬼咁饱，好彩预咗食完去行转两个钟嘅短山，帮助消化，否则，真喺撑住肚皮返屋企，哈哈！
张贴
