穆姑娘成都名小吃 (已結業)

陈金:被杂志介绍吸引, 想来试试「铺盖面」,同ADAM揾左一轮, 原来系另一边西贡街,哈哈!特色铺盖面:其实就好似一张大棉皮咁铺满整个碗, 面是很厚的, 一碗有3张, 饱得很,我一个人食唔晒.厚厚的吃上去很过引, 味道不错,大大块夹住食,感觉好似食饺子皮咁,韧韧的,我四川朋友同我讲食铺盖面系食厚唔食薄的,咁先有口感.杂志写话汤汁系鸡同猪骨熬制,喝两口都知道不是味精汤,配上猪腩肉碎, 好有「份量」, 味道不错,可惜我觉得不够辣, 辣D仲正!猪耳/肚丝:吃四川面都离唔开点呢两款, 味道很好, 唯一我觉得不足又系唔够辣.据讲呢间 穆姑娘系东莞已经有9间分店, 都几有特色丫, 希望做得好, 食物就仲有好多改善空间.不过油麻地呢间店面就一般, 所有坐位好窄, D枱又唔系固定, 用力少少都推到对面,好尴尬.另外帮忙落ORDER位叔叔永远唔记得你ORDER乜嘢, 讲完一阵又问过,行两步同第二枱落ORDER之后又问多你一转, 但可能佢个样好敦厚, 你觉得好笑多过唔满意,哈哈!可能系太新吧,手忙脚乱.(光顾当日, 门口招牌个「穆」字都未整上去)