龍門棧 (已結業)

一讲起饮茶，可能大家都系谂起黎黎去去几间连锁茶楼呀，又或者觉得系中老年人嘅专利，但其实饮茶都可以有高level嘅！今日就黎到龙门栈试一试佢！位置本身唔算就脚，但可能因为咁先突显到佢高级。环境几宽敞，唔算好多张枱，唔会觉得好逼夹。坐定左侍应就问我地饮咩，咁喺佢开始介绍前都系心谂是旦普洱滚水，点知竟然有个选择系荔枝红茶，谂都唔使谂，就要呢个，系正嘅！呢度嘅野食传统得黎带d创新，点心选择可能无出面一般酒楼咁多，但样样都系心机野，另外有个大menu系d再劲揪d嘅中菜，睇完都系食返点心算～前菜方面呢度就比糖衣核桃，唔系普通花生，开波食唔晒留返之后当甜品又得咁讲返点心先！今次除左叉烧包、金钱肚同叉烧肠系最无花巧野（但系系好食嘅）之外，其他点心都有d fusion嘅元素。首先系木鱼带子烧卖，就将日式同中式嘅意念揉合，效果几好；跟住系鳗鱼香煎粢饭，好似中式鳗鱼寿司咁，但个饭煎香过外脆内软，好食跟住系龙虾金华火腿饺，足料而且靓料，好食；最后系海胆春卷，成个卖相都好似西餐咁，但又有日式同中式嘅原素，成件事都好夹，好食！呢度唔会好似出面饮茶饮到打仗咁，周围嘈喧巴闭，反而真系可以静静地叹下茶倾下计，服务又好，