影片
更多
2023-09-28
1476 浏览
非洲菜好少接触，今日同旧同学食晏聚旧，就好奇地拣咗一间卖南非菜嘅餐厅「KAAZI」， 小店位处「苏豪」，所以，食晏时间过嚟人流唔算多，可以让我哋舒舒服服倾下偈、怀缅吓旧事，又讲吓将来。 餐厅属小店形式经营，所以，踏上几级进入餐厅，已睇晒成个环境。左边喺酒吧区，晌「苏豪」卖酒喺一个重要嘅收入来源，而右边就喺2 / 4人枱，目测所见全场大概10个位左右，装修简约，墙上画有两大幅色彩丰富嘅壁画，都几吸晴。 午市主要提供3道菜嘅午餐，包括头盘、主菜、甜品或咖啡，定价$135，以中环区而言，收费合理；但喺需留意，4款主菜中有两款需要另外加钱。店长顺带都介绍一下佢哋餐厅嘅特色，除大部份食材都由南非空运过嚟之余，烹调上都尽量突出食材嘅原味，更刻意用上烧烤嘅方式。 Blue Nile $50店长话新推出咗啲无酒精鸡尾酒，呢一杯就喺以新鲜黑加仑子、柠檬汁、石榴做成，一身艳丽嘅紫黑色，旧同学就话几清新，带微微酸爽。 Strand Beach $50小弟呢一杯色泽清澈嘅喺以Ginger Ale加入柠檬汁及少少糖水，口感清爽之余，饮落好舒服，好衬一阵所食嘅浓味串烧，正正有种平衡嘅作用。 Braai Prawn
餐厅属小店形式经营，所以，踏上几级进入餐厅，已睇晒成个环境。左边喺酒吧区，晌「苏豪」卖酒喺一个重要嘅收入来源，而右边就喺2 / 4人枱，目测所见全场大概10个位左右，装修简约，墙上画有两大幅色彩丰富嘅壁画，都几吸晴。
午市主要提供3道菜嘅午餐，包括头盘、主菜、甜品或咖啡，定价$135，以中环区而言，收费合理；但喺需留意，4款主菜中有两款需要另外加钱。店长顺带都介绍一下佢哋餐厅嘅特色，除大部份食材都由南非空运过嚟之余，烹调上都尽量突出食材嘅原味，更刻意用上烧烤嘅方式。
Blue Nile $50店长话新推出咗啲无酒精鸡尾酒，呢一杯就喺以新鲜黑加仑子、柠檬汁、石榴做成，一身艳丽嘅紫黑色，旧同学就话几清新，带微微酸爽。
Strand Beach $50小弟呢一杯色泽清澈嘅喺以Ginger Ale加入柠檬汁及少少糖水，口感清爽之余，饮落好舒服，好衬一阵所食嘅浓味串烧，正正有种平衡嘅作用。
Braai Prawns头盘我哋拣咗一款串烧虾同田园沙律，先介绍碟串烧虾，虽然卖相简单，但睇起嚟啲虾烧得带点焦香，而且，喺大大只嘅虎虾货式。入口虾肉好爽弹，鲜甜味尽出，洒咗少少蒜蓉同芫荽叶作提味，更佐以蕃茄蓉，酸香鲜活唔做作。
Green Salad田园沙律底有火箭菜、生菜、青瓜，以及近年甚人气嘅超级食物石榴，淋上油醋，绝对喺食番晒食材嘅原味，作为头盘，既开胃，又清新健康。
Sea Bass +$30主菜方面，我哋拣咗一道煎鲈鱼同一客牛肉串，值得一赞嘅喺服务，两个头盘会同时间一齐上，两道主菜亦都喺，唔会前后脚。先讲讲个鲈鱼，单喺外观已经睇到煎得好靓仔，入口外皮好香脆，肉质嫩滑细致，非常有鱼味，淋咗啲牛油柠檬汁，阵阵清香更突出鱼鲜味，底下嘅炒波菜亦嫩滑好食。
Braai Beef Skewers +$40佢哋嘅烧烤确有一手，头盘嘅串烧虾好好食，而呢道烧牛肉串亦都好正，从餐牌所知啲牛肉以蒜头、红辣椒粉、肉豆蔻粉所调味，再加上一只叫做「chermoula」香料（上网摷到有咁嘅译名：北非摩洛哥香草辣酱），所以，食起嚟唔单止惹味，个味道仲好有层次、好丰厚，加上肉质好软腍，旧同学就大赞好食，梗喺啦，佢本身就喺牛魔王，一向都钟意食牛。
Malva Pudding店长介绍呢一款喺南非好传统嘅甜点，加入杏桃同枣烤焗而成，小弟就第一之食，杏桃嘅味唔叫话好突出，但整体仍有一份清甜嘅香味，口感带少少湿润，淋上少少云呢嗱酱，作为餐后甜点好唔错。
今餐饭，确喺几有特色，招呼好好。而讲开非洲，小弟正正10年前确喺有幸到过肯亚一趟，喺一次好深刻嘅旅游体验，颠覆咗我对非洲嘅印象。
张贴
