影片
更多
2023-03-16
410 浏览
一韩烧用咗日式小型烧肉炉结合韩式烧肉配料，呢种配搭几方便，因为人少少都可以食到好多款野，同埋试到唔同既汁，最重要系接近无烟烧烤，唔会成身一阵味餐桌设计上都有心思，餐牌就系餐垫，有个槽位放住每份套餐，卡实托盘唔惊整跌，套餐价格由6×蚊到100蚊出头不等，有猪、鸡同牛等多款肉类，而且话明韩烧梗系有唔少特色材料，例如韩国蜂巢猪皮同牛肠等等第一款套餐就要咗招牌既饱住瘦身生酮套餐，因为我入夜都少食淀粉质，呢个餐就系黑毛猪五花再配生菜，配菜有齐包肉酱、洋葱、蒜片、青辣椒同泡菜，放落烧炉咋咋声，好简单就烧得金黄香脆好友就豪返次食北海道产黑毛和牛，有大片肉眼盖配大盘牛肩胛，肉质肥瘦相间，雪花纹劲诱人肉眼盖大小啱啱好填满成个烧肉炉，两边轻轻烧仲带住鲜嫩粉红，油香散溢出攻陷我的五感，分咗部份我入口已觉得幸福，肉味浓又有入口即溶感觉，仲有黑松露生鸡蛋强化香味同滑溜口感单点咗牛脷、牛横隔膜、猪颈肉同鸡肉，全部都唔算贵，性价比几高，可以拣50或100g随心试咩都得，举办小型烧肉派对咁牛脷非常大片，爽弹有咬口，猪颈肉虽然睇落偏薄，但好易烧香同埋食落有烟韧口感，鸡肉有调味过，几香够嫩饮品而家有7折同埋买一送一，配住
餐桌设计上都有心思，餐牌就系餐垫，有个槽位放住每份套餐，卡实托盘唔惊整跌，套餐价格由6×蚊到100蚊出头不等，有猪、鸡同牛等多款肉类，而且话明韩烧梗系有唔少特色材料，例如韩国蜂巢猪皮同牛肠等等
第一款套餐就要咗招牌既饱住瘦身生酮套餐，因为我入夜都少食淀粉质，呢个餐就系黑毛猪五花再配生菜，配菜有齐包肉酱、洋葱、蒜片、青辣椒同泡菜，放落烧炉咋咋声，好简单就烧得金黄香脆
好友就豪返次食北海道产黑毛和牛，有大片肉眼盖配大盘牛肩胛，肉质肥瘦相间，雪花纹劲诱人
肉眼盖大小啱啱好填满成个烧肉炉，两边轻轻烧仲带住鲜嫩粉红，油香散溢出攻陷我的五感，分咗部份我入口已觉得幸福，肉味浓又有入口即溶感觉，仲有黑松露生鸡蛋强化香味同滑溜口感
单点咗牛脷、牛横隔膜、猪颈肉同鸡肉，全部都唔算贵，性价比几高，可以拣50或100g随心试咩都得，举办小型烧肉派对咁
牛脷非常大片，爽弹有咬口，猪颈肉虽然睇落偏薄，但好易烧香同埋食落有烟韧口感，鸡肉有调味过，几香够嫩
饮品而家有7折同埋买一送一，配住咸香既烧肉就啱啱好，有几款唔同既咖啡同埋港式饮品，如果想饮酒就都唔系太贵就有好几款烧酒同啤酒尽兴
最后埋尾食返个甜品，主打有两类甜品，雪花冰同牛角窝夫都系韩国大热款式，要咗呢份芒果糯米糍3.6牛乳雪花冰，有好多果肉、雪糕、忌廉同大粒糯米糍，丰富材料令到食哂冰都未食完料咁爆棚
张贴
