影片
更多
2022-09-29
1603 浏览
约咗旧同学食餐晏仔，又喺叫我揾地方，OK！OK！就揾咗晌「大馆」附近，位处半山少少嘅「为食龙」，因为之前睇过食友嘅食评，觉得佢哋嘅腐皮御饍几特别，所以，一心又想试试，而旧同学本身都钟意食日本菜，故行远少少过到嚟「半山扶手电梯」佢都OK。唔可以经大厦嘅电梯进入餐厅，而需要行上少少经楼梯入去，当一入去，地下其实喺厨房嚟，楼上先喺用餐区。经过隐蔽嘅楼梯，上到二楼，又喺别有一番景像，地方阔落，楼底又高，加上多落地玻璃，采光十足，予人感觉开扬。不过，眼见店员需几食物由地下送上上层，都真喺辛苦晒佢哋。 由于餐厅以恐龙为主题，所以，布置上犹如一个小森林，放有好多植物，当然，跟恐龙相关嘅摆设、彩绘就少不了啦。 食物方面，有个季节限定午餐，卖点喺日本丰州直送嘅刺身。而另一个喺恒常嘅基本午餐，选项唔算多，共7款，定价由$129-$308，已附有伴菜及冷泡茶。此外，可加配吉列池鱼、咖啡及特饮。同学就对准银鳕鱼，小弟就一心喺腐皮寿司。银鳕鱼西京烧伴和风沙律定食 $164整份定食嘅摆盘都好靓，而银鳕鱼亦烧得好吸引，又好大件，伴有好多沙律菜，同学讲笑咁讲，喺欠咗碗面豉汤啫。讲番个主角银鳕鱼，肉质细致嫩滑，极富油香
唔可以经大厦嘅电梯进入餐厅，而需要行上少少经楼梯入去，当一入去，地下其实喺厨房嚟，楼上先喺用餐区。
经过隐蔽嘅楼梯，上到二楼，又喺别有一番景像，地方阔落，楼底又高，加上多落地玻璃，采光十足，予人感觉开扬。不过，眼见店员需几食物由地下送上上层，都真喺辛苦晒佢哋。
由于餐厅以恐龙为主题，所以，布置上犹如一个小森林，放有好多植物，当然，跟恐龙相关嘅摆设、彩绘就少不了啦。 
食物方面，有个季节限定午餐，卖点喺日本丰州直送嘅刺身。而另一个喺恒常嘅基本午餐，选项唔算多，共7款，定价由$129-$308，已附有伴菜及冷泡茶。此外，可加配吉列池鱼、咖啡及特饮。同学就对准银鳕鱼，小弟就一心喺腐皮寿司。
银鳕鱼西京烧伴和风沙律定食 $164整份定食嘅摆盘都好靓，而银鳕鱼亦烧得好吸引，又好大件，伴有好多沙律菜，同学讲笑咁讲，喺欠咗碗面豉汤啫。讲番个主角银鳕鱼，肉质细致嫩滑，极富油香，鱼皮更烧得脆口，再以清爽嘅沙律菜、清甜嘅橙肉平衡吓啲油脂，咁嘅组合真喺几夹。
腐皮御饍 + 迷你吞拿鱼腩茸卷 $178见好多客人都有拣呢个招牌名物，分组合A / B，其实寿司款式大同小异，小弟就选咗B，分别有5件腐皮寿司：蟹膏三文鱼籽、炙烧北寄贝沙律、柚子左口鱼、葱吞拿鱼拖罗蓉及芝士蟹籽厚烧玉子，再加埋吞拿鱼腩茸卷 ，每款都满满馅料，食晒其实喺会几饱吓。
先分享两款伴菜，喺招牌嘅甜腐皮同昆布，前者甜甜哋，柔软得嚟有少少韧性嘅口感，后者有微微醋酸香，带点点清爽感，作为前菜清新一吓。
蟹膏三文鱼籽腐皮寿司唔喺讲笑，蟹膏又多，三文鱼籽又多，前者柔滑丰腴，后者咸鲜爆汁。由于腐皮包住几多饭，所以，都要分两啖先食得晒。
炙烧北寄贝沙律腐皮寿司唔喺平常见开贝尾红红哋𠮶啲，喺啲新鲜货色，所以，入口尝到𠮶份鲜味，而唧上沙律酱，再炙烧，多咗一份酸爽感。
柚子左口鱼腐皮寿司左口鱼炙烧过，自不然更油润，但巧妙加上少少酸活嘅柚子汁，平衡一下𠮶份油腻感，所以，食起嚟就更平衡，加上鱼鲜味，正呀喂。
葱吞拿鱼拖罗蓉腐皮寿司睇见啲吞拿鱼，色泽鲜红，喺新鲜嘅证明，肉质爽口，味道鲜甜，而下面嘅拖罗蓉非常绵滑，带点点油脂香味，夹甜甜哋嘅腐皮，唔错！唔错！
芝士蟹籽厚烧玉子腐皮寿司呢款看似无咩特别，用料普通，其实，一样好食，厚烧玉子做得滑溜，又甚具蛋香，加埋芝士、蟹籽，味道丰富而有层次。
迷你吞拿鱼腩茸卷最后试埋个吞拿鱼腩茸卷，相对啲腐皮寿司，呢个就无咩惊喜，亦无咩特别，但质素仍叫稳打稳扎，啲吞拿鱼腩茸刴得绵密柔滑，佢哋嘅饭亦煮得恰到好处，紫菜亦够脆口。
整体招呼亦唔错，如果安排到埋边卡位自成一角，唔使同其他客人「搭枱」就更好，因为太近距离，真喺唔想听到人哋交谈都唔得，哈哈。
张贴
