影片
更多
2025-01-08
783 浏览
今日跟姨仔教会参加咗个本地游，去吓沙头角，又食吓海鲜餐，逛逛农庄，咁就一日。因为出发地点晌荔枝角，所以，早啲过嚟食咗早餐，睇住时间先行过去集合点。之前就晌网上揾到呢一间茶记「小厨港作」，睇落风评好似几唔错，加上就喺集合点就晌对面，够方便。装修就无乜特别㗎喇，不过，餐厅胜在地方大，有大量卡位，枱櫈算拍得唔密，我就几钟意佢晌卡位个挨背度加多块玻璃隔一隔，相信喺疫情时所做嘅设施，变相就好似前后位嘅私隐度大咗。枱侧下嘅柜桶喺茶记例牌嘅「机关」，摆满餐具、餐纸、简单调味料，但值得一赞嘅喺有相你睇，摆得充足之余又够整齐企理。早餐选择方面，选择多多，但当然都喺嚟嚟去去晌茶记见惯见熟嘅选项、组合，都喺3、40蚊价位范围之间，算喺相宜。D. 自选双拼面餐 $37老婆依家需要转为无麸质饮食，所以，有埋餐包之类嘅佢都唔拣得，筛吓筛吓，呢个自选面餐就最啱佢，因为弹性较大。而佢就拣咗榨菜鸡丝、煎蛋配米粉，份量都几十足，大大碗，煎蛋喺双蛋添，佢都话差啲食唔晒，而汤底亦唔会淡茂茂，一啲都无hea做。C1. 沙爹牛肉公仔面餐 $38我就都喺食番沙嗲牛肉公仔面餐，因为沙爹牛肉晌茶记里面喺其中几稳阵嘅选项，不过今次就唔喺
装修就无乜特别㗎喇，不过，餐厅胜在地方大，有大量卡位，枱櫈算拍得唔密，我就几钟意佢晌卡位个挨背度加多块玻璃隔一隔，相信喺疫情时所做嘅设施，变相就好似前后位嘅私隐度大咗。
枱侧下嘅柜桶喺茶记例牌嘅「机关」，摆满餐具、餐纸、简单调味料，但值得一赞嘅喺有相你睇，摆得充足之余又够整齐企理。
早餐选择方面，选择多多，但当然都喺嚟嚟去去晌茶记见惯见熟嘅选项、组合，都喺3、40蚊价位范围之间，算喺相宜。
D. 自选双拼面餐 $37老婆依家需要转为无麸质饮食，所以，有埋餐包之类嘅佢都唔拣得，筛吓筛吓，呢个自选面餐就最啱佢，因为弹性较大。而佢就拣咗榨菜鸡丝、煎蛋配米粉，份量都几十足，大大碗，煎蛋喺双蛋添，佢都话差啲食唔晒，而汤底亦唔会淡茂茂，一啲都无hea做。
C1. 沙爹牛肉公仔面餐 $38我就都喺食番沙嗲牛肉公仔面餐，因为沙爹牛肉晌茶记里面喺其中几稳阵嘅选项，不过今次就唔喺配公仔面，而喺一种米通粉，我都喺第一次听，感觉几特别，佢真喺好似通粉咁，但长身好多，口感少少偏软身，事后知道呢种米通粉确喺揾米做，非小麦做，下次老婆都可以试；而个沙嗲牛肉做得唔错，配埋怀旧嘅扭纹餐包同火腿煎蛋，够晒饱呀。
热柠水、热奶茶轮到餐饮，都喺例牌嘢，佢就要热柠水，小弟就继续饮番热奶茶。呢度嘅热奶茶个人嚟讲就不过不失，入口都芳香，茶奶比例亦OK，但茶底感觉欠缺少少醇厚感。
可能系星期六晨朝早，就算工厂区，依家都唔少喺返5日，所以，食完走人嘅时候，成个场都唔喺好多客。但喺就让我哋感觉更加轻松悠闲，唔会有平时喺茶记食嘢𠮶种冲冲冲嘅感觉。
张贴
