影片
更多
2021-12-09
2388 浏览
好一段日子无嚟过新城市广场喇，因为新界一向唔喺小弟揾食嘅集中地，入到嚟食嘢不外乎喺有啲特别事或特别活动。今次朋友开到声，就入嚟一转食拉面，地点原来喺晌日本荣获东京米芝莲推介及得过全日本拉面大奖嘅过江龙「多贺野」，其实佢哋晌香港落户嘅第一店喺晌尖沙咀，不过，就未帮衬过。今晚就有机会试吓佢哋手势。 嚟之前都担心好多人排，不过，可能地区关系，又加上闲日，唔需要点排，但内里亦已经有唔少客。室内嘅装潢都几靓，以木系为主，有和风嘅风格，但又几时尚摩登，天花嘅灯饰亦有特色。 钟意佢哋编排啲枱櫈唔会好「密质质」，加上柔和嘅灯光，感觉几舒适。而餐厅最入嘅位置，有个厢房，可以坐到8个人，依家疫情关系，就间为几张枱啦。 而近入门口左边，就喺开放式厨房，睇到师傅们不停煮面及制作各种食品。其实，隔离有个房，喺造面工场，佢哋嘅面条喺每日新鲜现场制作，亦喺店家嘅卖点之一。 所以，晌餐牌头几版，都有特别介绍自家亮点，如所得嘅奖项、坚持自家制，拉面、汤汁都喺日日新鲜制作，喺日本人做菜嘅匠人精神。故此，定价方面都较为进取。 枱上除咗放上基本嘅酱油、调味料之外，更有独立包装好嘅毛巾、一次性围裙，呢啲咪服务质素啰！喺就喺有啲
嚟之前都担心好多人排，不过，可能地区关系，又加上闲日，唔需要点排，但内里亦已经有唔少客。室内嘅装潢都几靓，以木系为主，有和风嘅风格，但又几时尚摩登，天花嘅灯饰亦有特色。
钟意佢哋编排啲枱櫈唔会好「密质质」，加上柔和嘅灯光，感觉几舒适。而餐厅最入嘅位置，有个厢房，可以坐到8个人，依家疫情关系，就间为几张枱啦。
而近入门口左边，就喺开放式厨房，睇到师傅们不停煮面及制作各种食品。其实，隔离有个房，喺造面工场，佢哋嘅面条喺每日新鲜现场制作，亦喺店家嘅卖点之一。
所以，晌餐牌头几版，都有特别介绍自家亮点，如所得嘅奖项、坚持自家制，拉面、汤汁都喺日日新鲜制作，喺日本人做菜嘅匠人精神。故此，定价方面都较为进取。
枱上除咗放上基本嘅酱油、调味料之外，更有独立包装好嘅毛巾、一次性围裙，呢啲咪服务质素啰！喺就喺有啲唔环保，不过，无即场用，袋走第时行山啱晒用。顺带一提，呢度嘅服务几好，不时为客人添茶，啲绿茶好幽香，而且，仲会跟一跟客人嘅出菜状况、食物满意度，了解吓客人嘅意见。 
翻一翻餐牌，拉面固然喺主打，仲有啲特色沾面、饭品嘅定食、多款一品料理、特色饮品及甜品，可谓照顾到唔同客人嘅需要，尤其一啲家庭客，唔使咁单一净食拉面。
自家制吉列和牛芝士丸 $72见唔少人都赞呢一道和牛芝士丸，所以，好奇下我哋都试一试。一客有3粒，而成品比预期大粒，炸得金黄，一口咬落去，外层脆到不得了，非常甘香，唔油腻，里面嘅和牛打得好松化，带脂香，配上溶透嘅芝士，味道、口感都非常之正。
自家制吉列和牛芝士丸
$72
25 浏览
0 赞好
0 留言
多贺野酱油拉面 $128以店名命名，当然算喺招牌作啦，所以，老友就试咗佢哋嘅酱油拉面。老友赞其汤底清香，唔会好似猪骨咁浆口，啱佢口味，拉面软滑有韧性，叉烧肥瘦适中，合佢心水，而溏心蛋大赞一流，话定价贵少少都值。
多贺野酱油拉面
$128
51 浏览
0 赞好
0 留言
其实，我自己对拉面嘅汤底无特别偏好，浓又得，清又得，微辣都OK，喺大辣嘅顶唔到啫。因为以往试过唔少浓重嘅猪骨汤拉面，啱刚呢度就唔卖呢种，拣咗较温和嘅塩味拉面又试吓喺点。
一碗拉面的灵魂之一，就喺啲汤，上文都讲到，汤汁日日新鲜制，而且，以鸡、豚、鲣鱼等优质食材精心熬制，饮一啖，果然鲜甜不腻，汤色清澈唔会泛油。
再试试啲面条，果然无欺场，不愧每日晌店内新鲜制作，唔喺工场来货，质素自然高及稳定。细心睇，真喺可以见到面条仲带有小麦嘅纤维，入口柔韧有咬口、挂汤、又耐浸，食到最尾一炷都喺同一口感，唔会话变腍晒。 
拉面另一主角就喺叉烧，唔算好厚，但肥瘦适中，咬落肉质好松化，又富油香，却喺唔算好腻，做得有水准。 
溏心蛋就完全喺无得输嘅出品，单喺睇样就知高质素之作，蛋黄特别红，呈半熟状态，入口黏绵富蛋黄香气，坚好食。而蛋白部份爽口，且有阵阵酱油香气。 
配料就仲有紫菜、笋干、大葱花、蒜蓉，啲笋干好香，又爽脆，葱花、蒜蓉跟面条捞匀食，别有一番味道。 
静冈绿茶可乐 $38老友喺绿茶控，所以，拣咗一支绿茶可乐，不过，点睇都有别我哋想像中嘅可乐。饮过之后，佢话有阵阵绿茶香，又觉得似喺有少少可乐味咁，唔肯定，但感觉几得意。
完熟水蜜桃汽水 $38食拉面我都钟意配汽水，平常就都喺可乐、雪碧，但见有啲特别嘢就试特别嘢啦。本来就想试洋梨汁，可惜暂定供应，水蜜桃汽水就成为我心水，上一两个星期先饮过呢一款汽水。贪其富蜜桃香味，阵果香都几清甜。
见店家有甜品供应，啲款式又几吸引，定价都OK，而我哋今日嘅战斗力又唔错，最终都一于点多两客甜品嚟作结。
抹茶红豆千层蛋糕 $38我都估老友喺点呢款甜品，话晒喺绿茶抹，加上千层蛋糕食手工都抵啦。睇到一层层，唔单饼皮加咗抹茶元素，就连忌廉都喺，中间就加一层红豆蓉。小弟都试咗一口，抹茶味好强劲，幽香，配上清甜嘅红豆，好夹又好食。
抹茶红豆千层蛋糕
$38
15 浏览
0 赞好
0 留言
小弟就喜欢芝士蛋糕多啲，加上配富士苹果，都较少见嘅组合。底层喺薄薄一层海绵蛋糕，上层就喺芝士蛋糕，淡淡嘅芝士香，幽香得嚟唔太抢，质感柔滑，而底下见到好多苹果果肉，非常清甜。
富士苹果生芝士蛋糕
$38
10 浏览
0 赞好
0 留言
张贴
