影片
更多
2021-08-07
3421 浏览
攞到消费券，我哋两公婆未急住用，不过，心里都有啲物品想买。此外，有啲家品、家电都打算到期更换，所以，出咗嚟荃湾走一转。除咗过嚟荃湾方便之外（我哋搭屯马线一个站就到），依家晌荃湾西站连住几个大型商场，一次过可以行晒，睇吓有咩合适商品，又格吓价。老婆话之前几次出街食饭都食西式，今晚想食啲中菜，网上搜寻吓，晌如心广场一期嘅「点一龙」就最好不过，一来喺中菜，二来又有点心供应，啱晒佢。外面突然落大雨，落到澎澎声，但无有怕，呢几个商场天桥驳天桥，唔使担心滴湿身，而「点一龙」就晌商场内。踏入餐厅，装修摩登得嚟，带有中国风，如以红色为主调、卡位上嘅通花屏风、如灯笼般嘅天花吊灯，当然，最抢眼莫过于入门口位嘅艳红色「大灯笼」。转入去，里面仲有好大地方，我哋被安排坐晌卡位，卡位非常阔落，而其他散位，櫈都喺用上有扶手位嘅皮椅，相信都舒服好坐。最欣赏餐厅嘅防疫，除咗明显无用尽每吋地方，枱与枱之间摆位显得格外开之外，更加置唔少易拉架嘅胶膜，卡位嘅屏风同样贴上胶膜，增加防疫功效。枱上已摆放好餐具，餐具外观都几别致，外形典雅。茗茶每位收$12，如享用菊花或菊普，就会收贵多少少，另收加一服务费。餐牌就喺枱旁嘅点菜纸，一
外面突然落大雨，落到澎澎声，但无有怕，呢几个商场天桥驳天桥，唔使担心滴湿身，而「点一龙」就晌商场内。踏入餐厅，装修摩登得嚟，带有中国风，如以红色为主调、卡位上嘅通花屏风、如灯笼般嘅天花吊灯，当然，最抢眼莫过于入门口位嘅艳红色「大灯笼」。
转入去，里面仲有好大地方，我哋被安排坐晌卡位，卡位非常阔落，而其他散位，櫈都喺用上有扶手位嘅皮椅，相信都舒服好坐。最欣赏餐厅嘅防疫，除咗明显无用尽每吋地方，枱与枱之间摆位显得格外开之外，更加置唔少易拉架嘅胶膜，卡位嘅屏风同样贴上胶膜，增加防疫功效。
枱上已摆放好餐具，餐具外观都几别致，外形典雅。茗茶每位收$12，如享用菊花或菊普，就会收贵多少少，另收加一服务费。
餐牌就喺枱旁嘅点菜纸，一路睇，顺便一路剔。数一数，点心有成30多款，此外，仲有蒸饭、汤面、粥品、甜点……等等。
另一面就喺一啲特色风味小菜、健康有营菜式，以及大碟头啲嘅炒粉饭面，定价跟一般嘅中菜馆差唔多，但菜式嘅配搭就几有心思。
晶莹海虾饺 $39单喺睇到虾饺嘅外型、折纹，已知道师傅嘅手工好扎实，外皮薄透晶莹，微微透出虾肉色，咬一小口，饺皮果然做得烟韧而不黏牙，而里面填满新鲜海虾，虾味浓，口感爽弹，绝对喺用料不赖，食出质素。
晶莹海虾饺
$39
36 浏览
0 赞好
0 留言
洛神仙子素肉饺 $39另一款素肉饺色泽艳丽如仙子，如虾饺般同样咁晶莹，淡淡嘅粉红色外皮应该喺加入咗洛神花茶嚟做，不过，就唔觉有洛神花𠮶种酸味，而里面有素肉、粟米粒、木耳……等等，口感丰富，食味清雅。
洛神仙子素肉饺
$39
20 浏览
1 赞好
0 留言
金橘蒸南瓜排骨 $88小菜方面，我哋见到呢一款蒸排骨用上金橘酱，感觉几特别。卖相比较平实，但入口真喺有料到，排骨面面就喺自家调成嘅金橘酱，𠮶份金橘香味好突出，又好清爽，配以排骨，令本身肉质好腍滑嘅排骨入口更香；此外，南瓜亦蒸得刚好，粉甜软熟，唔会过腍，仍带有少少爽口感。
金不换海鲜炒河 $98干牛河相信大定食唔少，而呢一道海鲜炒河，加入金不换去炒，真喺别具风格。炒河本身炒得甘香，粉条分明，无话黏埋一炷，亦唔算好油，至少唔会食到尾一碟底都喺油；而且，河粉渗出阵阵金不换嘅香气，味道更惹味，更具层次感，鲜虾及鱿鱼亦好新鲜，整体真喺唔错。
金不换海鲜炒河
$98
15 浏览
0 赞好
0 留言
晌多款甜点中，就以呢一款西瓜糕最想一试，其实，点菜纸都有佢张相作参照。实物嚟到，又真喺坚似件西瓜咁，而绿色嘅底皮原来真喺西瓜皮嚟，红色部份嘅西瓜糕入口西瓜味劲突出，口感喺有啲似大菜糕咁，但却有少少沙沙嘅感觉。此外，店家仲提供梅粉，试完一小口原味，再洒少少梅粉，微微嘅酸香更吊出西瓜糕嘅清甜味。
原汁原味西瓜糕
$44
25 浏览
0 赞好
0 留言
小弟都喺第一次到访「点一龙」，有啲点止点心咁简单嘅感觉，加上环境宽敞，招呼都好到位，侍应望落似好年轻，但都几有礼。而最紧要喺啲食物称心，既有特色，又有水准！
张贴
